Любен Нікалаў

Любен Нікалаў (балг.: Любен Николов; нар. 8 верасня 1985, Сафія, Балгарыя) — балгарскі футбаліст, абаронца.

Любен Нікалаў
Поўнае імя	Любен Георгіеў Нікалаў
Нарадзіўся	8 верасня 1985(1985-09-08) (39 гадоў) Сафія, абшчына Сталічна[d], гарадская вобласць Сафія[d], Балгарыя
Грамадзянства	Балгарыя
Рост	190 см
Вага	67 кг
Пазіцыя	абаронца
Інфармацыя пра клуб
Клуб	завяршыў кар’еру
Клубная кар’ера
2004—2005 Віхрэн (Санданскі) 4 (1) 2005—2006 Радопа (Смолян) 10 (0) 2006—2007 Марыца (Плоўдзіў) 18 (2) 2007—2009 Спартак (Плоўдзіў) 22 (1) 2009—2010 Нясебыр 20 (2) 2010—2011 Акадэмік (Сафія) 13 (0) 2011—2012 Спарціст (Своге) 20 (3) 2013—2014 Дынама (Брэст) 53 (0) 2015—2016 Сісакет 34 (1) 2017 Супер Паўэр Самут Пракан 27 (1) 2018 ПКНП (Іпах) 3 (0) 2019 Вісаха (Пнампень) 2019—2020 Дунаў (Русэ) 23 (0)

Клубная кар’ера

Выступаў у Балгарыі, пераважна ў другім па значнасці дывізіёне (Б група).

У сакавіку 2013 года перайшоў у брэсцкае «Дынама». У брэсцкім клубе адразу замацаваўся ў аснове на пазіцыі цэнтральнага абаронцы, дзе трывала гуляў на працягу ўсяго сезона. У кастрычніку 2013 года атрымаў траўму, праз месяц вярнуўся на поле.

У сезоне 2014 працягваў быць асноўным цэнтральным абаронцам. У матчы 18-га тура супраць мінскага «Дынама» (20 ліпеня, 1:3) на 14-й хвіліне прычыніў цяжкую траўму Арцёму Быкаву, за што пасля матча атрымаў шасціматчавую дыскваліфікацыю. Пазней зноў заняў сваё месца ў цэнтры абароны.

У снежні 2014 года перайшоў у тайландскі клуб «Сісакет». У 2017 годзе выступаў у Тайландзе за «Супер Паўэр Самут Пракан», а ў лютым 2018 года стаў іграком малайзійскага ПКНП. У пачатку 2019 года перабраўся ў камбаджыйскі клуб «Вісаха».

У жніўні 2019 года вярнуўся ў Балгарыю, папоўніўшы склад «Дунава» з Русэ. Па заканчэнні сезона 2019/20 пакінуў клуб і завяршыў прафесійную кар’еру.