Лідзія Паўлаўна Герасімчук

Лідзія Паўлаўна Герасімчук (укр.: Лідія Павлівна Герасимчук, 5 мая 1922, Кіеў — 5 снежня 1958) — украінская савецкая артыстка балета, салістка Кіеўскага тэатра оперы і балета імя Т. Шаўчэнкі ў 1937—1958 гадах. Заслужаная артыстка Украінскай ССР (1952).

Лідзія Паўлаўна Герасімчук
Дата нараджэння	5 мая 1922(1922-05-05)
Месца нараджэння	Кіеў, УССР
Дата смерці	5 снежня 1958(1958-12-05) (36 гадоў)
Месца смерці	Кіеў, УССР, СССР
Месца пахавання	Байкавыя могілкі
Грамадзянства	СССР
Адукацыя	Кіеўскае дзяржаўнае харэаграфічнае вучылішча
Прафесія	балерына
Узнагароды
Медыяфайлы на Вікісховішчы

Біяграфія

У 1930—1934 гадах займалася ў Кіеўскай харэаграфічнай студыі Ксеніі Юр’еўны Давыдавай, з 1933 года выступала на сцэне Кіеўскага опернага тэатра.

У 1937 годзе скончыла Кіеўскі харэаграфічны тэхнікум па класе Наталлі Веракундавай, пасля чаго была прынята ў трупу Кіеўскага тэатра оперы і балета. Была салісткай тэатра да сваёй смерці ў 1958 годзе. Асабліва вызначалася ў дуэце з Мікалаем Апухціным: «Гісторыя ўкраінскага балета ведае нямала цудоўных танцавальных дуэтаў, сярод якіх — дуэт Апухціна і Лідзіі Герасімчук».

У час Вялікай Айчыннай вайны у 1942—1944 гадах — артыстка Ленінградскага Малога тэатра оперы і балета, які знаходзіўся ў эвакуацыі ў горадзе Кіраў.

Жыла ў Кіеве. Памерла 5 снежня 1958 года. Пахаваная на Байкавых могілках. На магіле Лідзіі Герасімчук устаноўлены надмагільны помнік «Паміраючы лебедзь» працы скульптара Пятра Астапенкі (бронза, граніт, 1960).

Сям’я

• Першы муж — інжынер-меліяратар Абрам Насушкін, сын — Лесь Герасімчук.
• Другі муж — Мікалай Аляксандравіч Апухцін, прэм’ер Кіеўскага тэатра оперы і балета, народны артыст Украінскай ССР, балетмайстар-педагог.

Творчасць

Сярод партый Раймонда, Цар-дзяўчына, фея Сірэні, Адэта ў балетах П. Чайкоўскага, Б. Асаф’ева, Л. Мінкуса і іншых.

Была першай выканаўцай вядучых партый у шэрагу балетаў украінскіх кампазітараў. Сярод вядомых партый: Маруся Багуслаўка («Маруся Багуслаўка» А. Свечнікава), Марыула («Лілея» К. Данькевіча), Расціслава («Расціслава» Г. Жукоўскага) і іншыя. Выконвала характарныя танцы ў операх «Кармэн», «Князь Ігар», «Фаўст» і інш.

Літаратура

• Балет: энциклопедия. / Гл. ред. Ю. Н. Григорович.- М.: Советская энциклопедия, 1981.- 623 стр. с илл.