Магдалена Карлсдотэр
Магдалена Карлсдотэр (шведск.: Magdalena Karlsdotter; 1445 ― жнівень 1495) ― прынцэса Швецыі. Старэйшая дачка Карла VIII і Катарыны Карлсдотэр. Жонка Івара Аксельсана (Тота).
| Магдалена Карлсдотэр | |
|---|---|
.jpg) | |
| Нараджэнне | 1445 |
| Смерць |
жнівень 1495
|
| Род | Bonde[d] |
| Бацька | Карл VIII Кнутсан Бундэ |
| Маці | Катарына Карлсдотэр |
| Муж | Ivar Axelsson[d] |
 Медыяфайлы на Вікісховішчы | |
Біяграфія правіць
Яе бацька стаў каралём Швецыі ў 1448 годзе. Яна выйшла замуж за Івара Аксельсана (Тота) у Нючэпінге 21 верасня 1466 года. Іх шлюб быў бяздзетным. Яе муж быў дзядзькам Інгеборгі Тот, жонкі рэгента Стэна Стурэ Старэйшага.
Яе мужам стаў былы каралеўскі саветнік у Даніі, які пражываў у Швецыі з 1464 года і пасля свайго шлюбу з Магдаленай быў прызначаны каралеўскім саветнікам у Швецыі. У 1468 годзе ён быў больш ці менш нефармальным суправіцелем і свайго цесця, а пасля яго смерці лічыўся яго пераемнікам на пасадзе часовага рэгента і старшыні каралеўскага савета да абрання новага манарха або рэгента, і ён быў названы «самым магутным чалавекам у Скандынавіі». Аднак пасля смерці свайго цесця ў 1470 годзе ён не атрымаў дастатковую падтрымку, каб стаць новым рэгентам. У 1472 годзе яе мужу ў якасці лена далі Стэгеборг. Івар Аксельсан, аднак, здрадзіў шведскаму каралю, прызнаўшы ў 1476 годзе, што яму быў абяцаны Готланд у якасці лена ад караля Даніі, і ў 1481 годзе адбыўся адкрыты канфлікт паміж Іварам і рэгентам Швецыі. Прынцэса Магдалена па загадзе Эрыка Оксенстыерна была выкрадзена і заключана пад варту. Магдалена стала ўдавой у 1487 годзе.
Яна была заступніцай Абацтва шэрых братоў на востраве Рыдархольмен ў Стакгольме, куды зрабіла мноства ахвяраванняў. Была пахавана ў ім жа, на месцы яе пахавання выбіты надпіс Propentissima Benefactrix Ordinis Nostri.
Літаратура правіць
- Lars-Olof Larsson — Kalmarunionens tid
- Dick Harrison — Karl Knutsson
- Nordisk familjebok