Марка Сіміч

Марка Сіміч
Марка Сіміч
Агульная інфармацыя
Нарадзіўся	16 чэрвеня 1987 (37 гадоў); Бялград, СФРЮ;
Грамадзянства	Сербія; Чарнагорыя
Рост	186 см
Вага	79 кг
Пазіцыя	абаронца
Інфармацыя пра клуб
Клуб	Будучнаст
Нумар	55
Маладзёжныя клубы
	Партызан (Бялград)
Клубная кар’ера
2022—	Будучнаст (Падгорыца)
Нацыянальная зборная
Узнагароды і медалі
Дзяржаўныя і ведамасныя ўзнагароды
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30 ліпеня 2022. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 30 ліпеня 2022 ;
	Медыяфайлы на Вікісховішчы

Марка Сіміч (сербск.: Марко Симић / Marko Simić, нар. 16 чэрвеня 1987) — сербскі і чарнагорскі футбаліст, абаронца чарнагорскага клуба «Будучнаст» з Падгорыцы і нацыянальнай зборнай Чарнагорыі.

Клубная кар’ера

Выхаванец футбольнай школы бялградскага «Партызана», у якой займаўся з пяці гадоў.

У студзені 2011 года за 150 тысяч еўра трапіў у барысаўскі БАТЭ. Уключаўся ў спіс 22 найлепшых ігракоў чэмпіянату 2011. Удзельнік Лігі Еўропы 2010/11, Лігі чэмпіёнаў 2011/12 і 2012/13.

У студзені 2013 года за 1 мільён еўра перайшоў у турэцкі клуб «Кайсерыспор». У ліпені 2016 года падпісаў кантракт з тэль-авіўскім «Хапаэлем»^[2], аднак ужо ўзімку пакінуў клуб у якасці свабоднага агента і ў сакавіку 2017 года перайшоў у «Растоў»^[3]. У чэрвені 2017 года падпісаў кантракт на 2,5 гады з узбекскім «Пахтакорам».

У першай палове 2020 года, пасля сыходу з «Пахтакор», заставаўся без клуба, а ў чэрвені стаў іграком латвійскай «Ліепаі». У ліпені 2022 года перайшоў у чарнагорскую «Будучнаст».

Міжнародная кар’ера

Дзякуючы добрай гульне за клуб, Марка ў 2011 годзе атрымаў выклік у нацыянальную зборную Сербіі, але так і не выйшаў на поле. У 2013 годзе прыняў прапанову выступаць за зборную Чарнагорыі. Дэбютаваў за чарнагорскую зборную 14 жніўня 2013 года ў таварыскім матчы супраць Беларусі.