Маркус Гарві

Маркус Гарві (англ.: Marcus Mosiah Garvey, 17 жніўня 1887, Ямайка — 10 чэрвеня 1940, Лондан) — актыўны дзеяч негрыцянскага руху за раўнапраўе і вызваленне ад прыгнёту. Заснавальнік Сусветнай асацыяцыі па паляпшэнні становішча неграў (the Universal Negro Improvement Association, UNIA).

Маркус Гарві
Marcus Mosiah Garvey
Маркус Гарві
Дата нараджэння	17 жніўня 1887(1887-08-17)[…]
Месца нараджэння	Saint Ann's Bay[d], Прыход Сент-Эн[d], графства Мідлсекс, Ямайка
Дата смерці	10 чэрвеня 1940(1940-06-10)[…] (52 гады)
Месца смерці	Уэст-Кенсінгтан[d], Хамерсміт і Фулем[d], графства Вялікі Лондан, Вялікі Лондан, Англія, Вялікабрытанія
Пахаванне	Кенсал-Грын[d] National Heroes Park[d]
Грамадзянства	Ямайка
Адукацыя	Універсітэт штата Каліфорнія ў Фрэсна Біркбек[d]
Партыя	People's Political Party[d]
Род дзейнасці	журналіст, прадпрымальнік, палітык, друкар, сацыёлаг
Жонка	Amy Jacques Garvey[d] і Amy Ashwood Garvey[d]
Узнагароды	National Association of Black Journalists Hall of Fame[d] (2004)
Медыяфайлы на Вікісховішчы

Біяграфія

Нарадзіўся на востраве Ямайка. Да 14 гадоў наведваў школу, пасля чаго ў асноўным займаўся самаадукацыяй. 1 жніўня 1914 года разам з таварышам заснаваў на Ямайцы «Сусветную асацыяцыю па паляпшэнні становішча неграў», аднак, не дабіўшыся вялікіх поспехаў, з’ехаў у ЗША і там заснаваў некалькі філіялаў асацыяцыі. У 1922 Гарві асуджаюць за фінансавыя махінацыі і на пяць гадоў ён трапляе ў турму, пасля чаго губляе ўвесь свой аўтарытэт у негрыцянскім руху і памірае ў 1940 годзе ў Лондане, знаходзячыся ў палітычнай ізаляцыі.

Погляды

Надаваў вялікае значэнне расавай чысціні неграў і заклікаў амерыканскіх грамадзян афрыканскага паходжання перасяляцца ў Афрыку. На глебе расавага этнацэнтрызму зблізіўся нават з адкрыта расісцкай арганізацыяй Ку-клукс-клан. У сваіх прамовах прадказваў каранацыю чорнага караля на афрыканскім кантыненце, дзякуючы чаму эфіопскі Імператар Хайле Селасіе I быў абвешчаны прыхільнікамі растафарыянства увасабленнем Джа (Бога).