Марын I

Марын I (лац.: Marinus PP. I); ?, Галезэ — 15 мая 884, Рым) — Папа Рымскі з 16 снежня 882 па 15 мая 884 года.

Марын I
лац.: Marinus I
108-ы Папа Рымскі 20 снежня 882 — 15 мая 884
Папярэднік	Ян VIII (Папа Рымскі)
Пераемнік	Адрыян III, Папа Рымскі
Дзейнасць	дыпламат, каталіцкі святар, пісьменнік
Нараджэнне	830 Галезэ, правінцыя Вітэрба, Лацыа, Каралеўства Італія
Смерць	15 мая 884 Рым, Папская вобласць
Пахаванне	Сабор Святога Пятра
Медыяфайлы на Вікісховішчы

Біяграфія

Каля 866 года быў пастаўлены Папам Мікалаем I у дыяканы. У 869 годзе ўдзельнічаў у Чацвёртым Канстанцінопальскім саборы, які асудзіў Фоція і аднавіў на кафедры Канстанцінопаля патрыярха Ігнація. Пасля вяртання ў Італію быў узведзены ў біскупскі сан. 16 снежня 882 года, пасля смерці Папы Яна VIII, быў абраны новым Папам Рымскім.

Неўзабаве пасля абрання вярнуў будучаму Папе Фармозу кардынальскае званне. З усшэсця Марына I на Святы Прастол добрыя адносіны з Візантыяй, якія мелі месца ў перыяд пантыфікату яго папярэдніка, зноў пагоршыліся, паколькі Марын быў прынцыповым праціўнікам Фоція, які вярнуўся на Канстанцінопальскую кафедру пасля смерці Ігнація. Заключыў саюз з англа-саксонскім каралём Альфрэдам Вялікім.

Спасылкі

• Марын I. Catholic Encyclopedia