Матэа Сальвіні

Матэа Сальвіні (італ.: Matteo Salvini; нар. 9 сакавіка 1973, Мілан, Італія) — італьянскі палітык і журналіст, дэпутат Еўрапарламента, лідар Лігі Поўначы.

Матэа Сальвіні
італ.: Matteo Salvini
Міністр ўнутраных спраў Італіі, намеснік старшыні Савета міністраў Італіі 1 чэрвеня 2018 — 5 верасня 2019
Кіраўнік урада	Джузэпэ Контэ
Папярэднік	Марка Мініці
Пераемнік	Лучана Ламоргезэ
Федэральны сакратар Лігі Поўначы з 15 снежня 2013
Папярэднік	Роберта Мароні
Нараджэнне	9 сакавіка 1973(1973-03-09) (51 год) Мілан, Італія
Імя пры нараджэнні	італ.: Matteo Salvini
Жонка	Fabrizia Ieluzzi[d]
Веравызнанне	каталіцтва
Партыя	Ліга Поўначы італ.: Lega Nord
Прафесія	палітык, журналіст
Дзейнасць	палітык
Навуковая дзейнасць
Навуковая сфера	палітыка
Месца працы	Burghy[d]
Аўтограф
Медыяфайлы на Вікісховішчы

Біяграфія

Атрымаў (няпоўную) адукацыю на гістарычным факультэце Міланскага ўніверсітэта. У 1990 далучыўся да Лігі Поўначы. Працаваў у медыях, звязаных з гэтай групоўкай, у тым ліку ў якасці рэдактара радыё Свабодная Паданія і газеты La Padania. З 1993 года працягваў выконваць функцыі дарадцы ў Мілане. У 2004 годзе стаў членам Еўрапарламента, склаў мандат у палове тэрміну. У 2008 годзе быў выбраны ў Палату дэпутатаў Італіі XVI склікання.

У 2009 годзе на выбарах у Еўрапейскі Парламент VII склікання зноў атрымаў дэпутацкі мандат. Стаў членам групы Еўропа свабоды і дэмакратыі і Камітэта па пытаннях унутранага рынку і абароны правоў спажыўцоў. У 2013 стаў федэральным сакратаром Лігі Поўначы, тым самым прымаючы лідарства ў гэтай партыі. У 2014 годзе паспяхова балатаваўся на перавыбранне ў Еўрапарламент.