Матэ Узініч
Матэ Узініч (харв.: Mate Uzinić, 17 верасня 1967, в. Дубрава каля Оміша) — харвацкі біскуп, які ўзначальвае Дуброўніцкую дыяцэзію з 2011 года.
Матэ Узініч | |||||||
|---|---|---|---|---|---|---|---|
| Mate Uzinić | |||||||
 | |||||||
 | |||||||
|
|||||||
| Царква | Каталіцкая царква | ||||||
| Папярэднік | Жэлімір Пуліч | ||||||
| Дзейнасць | каталіцкі святар, каталіцкі біскуп | ||||||
| Нараджэнне |
17 верасня 1967 (56 гадоў) в. Дубрава каля Оміша |
||||||
| Прыняцце свяшчэннага сану | 27 чэрвеня 1993 | ||||||
| Епіскапская хіратонія | 19 сакавіка 2011 | ||||||
 Медыяфайлы на Вікісховішчы | |||||||
Біяграфія правіць
Нарадзіўся 17 верасня 1967 года ў Далмацыі, каля Оміша.
Пачатковую адукацыю атрымаў у роднай вёсцы, затым скончыў гімназію пры семінарыі ў Спліце. Пасля праходжання ваеннай службы ў 1986—1987 гадах паступіў на тэалагічны факультэт Спліцкага ўніверсітэта. У 1993 годзе атрымаў ступень бакалаўра. Пасля заканчэння вучобы 27 чэрвеня 1993 года пасвечаны на святара.
Тры гады служыў святаром у прыходах Оміша і наваколляў. У 1996 годзе працягнуў навучанне ў Рыме, у Папскім Латэранскім універсітэце, у 2000 годзе атрымаў ліцэнцыят па кананічным і грамадзянскім праве.
Пасля вяртання ў Харватыю працаваў у Спліцка-Макарскія архідыяцэзіі, з 2001 года быў рэктарам спліцкай семінарыі.
24 студзеня 2011 года Папа Бенедыкт XVI прызначыў Матэ Узініча біскупам дуброўніцкім у сувязі з пераводам біскупа Жэліміра Пуліча на кафедру Задара. Біскупская хіратонія адбылася 19 сакавіка 2011 года. Галоўным кансекратарам быў архібіскуп Марын Барышыч, яму дапамагалі кардынал Ёсіп Бозаніч і архібіскуп Жэлімір Пуліч.
Уваходзіць у склад Канферэнцыі каталіцкіх біскупаў Харватыі.
Зноскі
Спасылкі правіць
- Біскуп Узініч на сайце Канферэнцыі каталіцкіх біскупаў Харватыі
- Біскуп Узініч на catholic-hierarchy.org
- Біскуп Узініч на www.gcatholic.org