Махамед Канатэ

Махамед Канатэ (фр.: Mohamed Konaté; нар. 12 снежня 1997) — івуарыйскі і буркінійскі футбаліст, нападнік расійскага клуба «Ахмат» з Грознага і нацыянальнай зборнай Буркіна-Фасо.

Махамед Канатэ
Агульная інфармацыя
Нарадзіўся	12 снежня 1997(1997-12-12) (26 гадоў) Адыенэ[d], Odienné Department[d], Kabadougou[d], раён Дэнгеле[d], Кот-д’Івуар
Грамадзянства	Кот-д’Івуар Буркіна-Фасо
Рост	190 см
Вага	80 кг
Пазіцыя	нападнік
Інфармацыя пра клуб
Клуб	Ахмат
Нумар	13
Клубная кар’ера
2013—2015 Дэнгеле 2016 Урал (Екацярынбург) 4 (0) 2017 Бабітэ 1 (1) 2017 Кайрат-Акадэмія 12 (3) 2018 Гомель 12 (2) 2018—2019 Пюнік (Ерэван) 15 (6) 2019 Тамбоў 2 (0) 2019—2021 Хімкі 34 (3) 2021— Ахмат (Грозны) 6 (2)
Нацыянальная зборная
2020— Буркіна-Фасо 6 (0)
Медыяфайлы на Вікісховішчы

Клубная кар’ера

Пачынаў кар’еру на радзіме ў клубе «Дэнгеле», у 2016 годзе трэніраваўся разам з малдаўскім «Саксанам», прымаючы ўдзел у таварыскіх матчах. У жніўні 2016 года быў заяўлены за расійскі «Урал». Аднак, у восеньскай частцы сезона правеў толькі 4 матчы ў Прэм’ер-лізе і адзін у Кубку Расіі, дзе адзначыўся голам. У лютым 2017 года пакінуў «Урал». Пазней далучыўся да латвійскага «Бабітэ», за які згуляў у адзіным матчы і забіў гол, а ўлетку 2017 года каманда была выключана з чэмпіянату Латвіі. У ліпені 2017 года разам з суайчыннікам Седрыкам Гагуа перайшоў у «Кайрат», стаў выступаць за моладзевую каманду «Кайрат-Акадэмія» ў Першай лізе.

У лістападзе 2017 года прыбыў на прагляд у беларускі клуб «Гомель», і пасля некалькіх збораў у лютым 2018 года падпісаў кантракт. У складзе гомельскай каманды стаў трывалым іграком асновы, у 12 матчах забіў 2 галы. У чэрвені 2018 года перайшоў у армянскі клуб «Пюнік».

У ліпені 2019 года далучыўся да дэбютанта расійскай Прэм’ер-лігі «Тамбова», аднак правёў за яго толькі два матчы і ўжо ў верасні таго ж года перайшоў у «Хімкі». У маі 2021 года па заканчэнні кантракта з «Хімкамі» падпісаў пагадненне з грозненскім «Ахматам».

Міжнародная кар’ера

Махамед быў народжаны ў Конга, але дзякуючы буркінійскаму паходжанню атрымаў магчымасць выступаць за нацыянальную зборную Буркіна-Фасо. Дэбютаваў у буркінійскай зборнай 9 кастрычніка 2020 года ў таварыскім матчы супраць Дэмакратычнай Рэспублікі Конга (3:0).

Дасягненні

• 02 Срэбраны прызёр чэмпіянату Арменіі: 2019