Медаль ордэна свяціцеля Кірыла Тураўскага

узнагарода Беларускай праваслаўнай царквы

Медаль ордэна свяціцеля Кірыла Тураўскага (руск.: Медаль ордена святителя Кирилла Туровского) — узнагарода Беларускай праваслаўнай царквы. Заснаваны рашэннем Сінода Беларускай Праваслаўнай Царквы ад 10-11 кастрычніка 2004 года ў памяць святкавання 1000-годдзя Тураўскай епархіі і зацверджаны Найсвяцейшым Патрыярхам Маскоўскім і ўсяе Русі Алексіем II 23 снежня 2004 года.

Медаль ордэна свяціцеля Кірыла Тураўскага
Медаль ордэна свяціцеля Кірыла Тураўскага (неафіцыйная планка).svg Медаль ордэна свяціцеля Кірыла Тураўскага.png
Арыгінальная назва руск.: Медаль ордена святителя Кирилла Туровского
Краіна Flag of Belarus.svg Беларусь
Тып Медаль Беларускай праваслаўнай царквы
Статус уручаецца
Статыстыка
Дата заснавання 23 снежня 2004
Чарговасць
Старэйшая ўзнагарода Ордэн прападобнай Ефрасінні Полацкай
Малодшая ўзнагарода Медаль ордэна прападобнай Ефрасінні Полацкай

СтатутПравіць

Медаль мае адну ступень.

Медаль ордэна свяціцеля Кірыла Тураўскага носіцца на левым боку грудзей і размяшчаецца паводле пераліку пасля ордэна прападобнай Ефрасінні Полацкай і перад медалём ордэна прападобнай Ефрасінні Полацкай.

Медалём узнагароджваюцца святары, манахі і прыхаджане Беларускай Праваслаўнай Царквы за шматгадовую і актыўную духоўна-асветніцкую, катэхізічную і місіянерскую дзейнасць, дабрачынную дапамогу, накіраваную на аднаўленне праваслаўных святынь на Беларускай зямлі, аднаўленне і рэстаўрацыю праваслаўных манастыроў і храмаў.

АпісаннеПравіць

Медаль свяціцеля Кірыла Тураўскага выраблены з латуні. Ён мае форму круга дыяметрам 33 мм з кантам, які выступае з боку аверса і рэверса. На аверсе адчаканена выява ордэна свяціцеля Кірыла Тураўскага першай ступені, але без камянёў у апраўках. Крыж ордэна пакрыты чырвонай імітацыяй эмалі. Ордэн адлюстраваны ў ззянні прамянёў, паміж якімі па ўсёй акружнасці адчаканены маленькія кругі.

На рэверсе медалю па полі з пазалотай праходзіць выпуклы гарызантальны надпіс стылізаваным шрыфтам у пяць радкоў: «Не презри мене милостию, Иисусе…да дело с разумом Тебе принесу». Літары надпісу і кант паліраваныя.

Медаль пры дапамозе вушкі і кольца злучаецца з прамавугольнай калодкай, абцягнутай стужачкай з рабрыстага шоўка бардовага колеру з больш светлай гладкай выявай шасціканцовага крыжа прп. Ефрасінні Полацкай. Шырыня стужачкі 24 мм. Вышыня прамавугольнай вертыкальнай латуневай калодкі складае 52,7 мм і адпавядае шырыні абліпальнай стужачкі. Стужачка працягнута ў прарэзы ўверсе і ўнізе калодкі. На адваротным боку калодкі маецца прыстасаванне для мацавання. Медаль выдаецца ў аксамітавым ці пластыкавым футарале.

З медалём уручаецца грамата цёмна-ружовага колеру памерам 210x296 мм у развароце.

СпасылкіПравіць