Мечыслаў Тукала

Мечыслаў Тукала
Мечыслаў Тукала
	; Мечыслаў Тукала і яго жонка Сузанна з Багдановічаў
	; Шранява
маршалак шляхты Вілейскага павета
	кастрычнік 1853 — 1863
Папярэднік	Зянон Любанскі[d]
Нараджэнне	1817; Асцюковічы, Вілейскі павет, Мінская губерня, Расійская імперыя;
Смерць	4 верасня 1883
Месца пахавання	Ілья;
Род	род Тукалаў[d]
Бацька	Ігнацы Тукала[d]
Маці	Канстанцыя са Свідаў[d]
Жонка	Сузанна з Багдановічаў[d]
Дзеці	Канстанцыя з Тукалаў[d] і Роза з Тукалаў[d]
Адукацыя	Тартускі ўніверсітэт;
	Медыяфайлы на Вікісховішчы

Мечыслаў Тукала (польск.: Mieczysław Tukałło; 1817 — 4 верасня 1883) — маршалак шляхты Вілейскага павета, удзельнік паўстання 1863—1864 гадоў.

БіяграфіяПравіць

Паходзіў са шляхецкага роду Тукалаў герба «Шранява», сын Ігнацыя, удзельніка паўстання 1830—1831 гадоў у Завілейскім павеце, і Канстанцыі Свіды. Нарадзіўся ў маёнтку Асцюковічы Вілейскага павета^[1].

Вучыўся на факультэце права ва ўніверсітэце ў Дэрпце. У 1854—1859 гадах маршалак шляхты Вілейскага павета. З 1863 года выконваў абавязкі вілейскага маршалка^[1].

Перад паўстаннем 1863—1864 гадоў знаходзіўся за мяжой і не падтрымліваў ягонай ідэі, аднак з пачаткам выступлення вярнуўся на радзіму. Адмовіўся падпісаць вернападданіцкі адрас віленскага маршалка А. Дамейкі, што стала прычынай ягонай ссылкі адміністрацыйным шляхам, а на маёнтак быў накладзены секвестр^[1]. Праз некалькі год маёнтак быў вернуты сыну Ігнацыю^[2].

Пасля пяцігадовага знаходжання ў ссылцы ў Верхаянску^[2] Мечыслаў атрымаў магчымасць пераезду ў Царства Польскае. Нейкі час пражываў у Дрэздэне, пасля чаго вярнуўся на радзіму^[1].

Памёр 4 верасня 1883 года. Пахаваны на каталіцкім могільніку ў Ільі^[2]^[3].

Сям’яПравіць

Жонка Сузанна з Багдановічаў (пам. 1909), дачкой вілейскага маршалка Ануфрыя Багдановіча. Дзеці:

Канстанцыя (нар. 1847), у шлюбе з Міхалам Казімірам Ромерам (1845—1920) мела шасцёра дзяцей, у т. л. Міхала Піуса Ромера (1880—1945), вучонага і грамадска-палітычнага дзеяча;
Ігнацы (нар. 1850), у шлюбе з Аленай Незабытоўскай (1863—1920). Быў бяздзетны i Асцюковічы запісаў на племянніка Януша, сына Ружы. Пахаваны ў Ільі^[2]^[3].
Луцыя (каля 1850 — ?), у шлюбе з Юзафам Валадковічам (каля 1840 — ?).
Цэліна (1852? — 1912), у шлюбе з Конрадам Тукалам (пам. 1908).
Марыя.
Ружа (каля 1860 — ?), у шлюбе з Янам Тукалам (каля 1860 — ?).

Зноскі

↑ ^а ^б ^в ^г Вольга Гарбачова. Паўстанцы 1863 года на фотаздымках
↑ ^а ^б ^в ^г Івона Гайдзінскя. КАНСТАНЦІН ТУКАЛА УРАДЖЭНЕЦ ВІЛЕЙШЧЫНЫ
↑ ^а ^б Сямейная магіла польскай інтэлігенцыі і родавае пахаванне мясцовых паноў: што цікавага ў ільянскіх каталіцкіх могілках Архівавана 1 снежня 2020.

СпасылкіПравіць

Вольга Гарбачова. Паўстанцы 1863 года на фотаздымках

[elib-1] а ^б ^в ^г Вольга Гарбачова. Паўстанцы 1863 года на фотаздымках

[kamunikat-2] а ^б ^в ^г Івона Гайдзінскя. КАНСТАНЦІН ТУКАЛА УРАДЖЭНЕЦ ВІЛЕЙШЧЫНЫ

[rh-3] а ^б Сямейная магіла польскай інтэлігенцыі і родавае пахаванне мясцовых паноў: што цікавага ў ільянскіх каталіцкіх могілках Архівавана 1 снежня 2020.

[1]

[2]

[3]