Музей анаталійскіх цывілізацый

Музей анаталійскіх цывілізацый
Музей анаталійскіх цывілізацый
Заснаваны	1921
Адкрыты	1943
Месцазнаходжанне	Altındağ[d];
Наведвальнікі	450 000 чал.;
	anadolumedeniyetlerimuzesi.gov.tr
	Медыяфайлы на Вікісховішчы

Музей анаталійскіх цывілізацый (турэцк.: Anadolu Medeniyetleri Müzesi) — музей у Анкары.

Гісторыя правіць

Музей быў заснаваны ў 1921 г. па загадзе прэзідэнта Мустафы Атацюрка і размясціўся ў раёне гарадской крэпасці. Сюды былі перавезены археалагічныя помнікі з храма Аўгуста і Ромы^[en] і рымскай лазні^[en]. Пад патранажам прэзідэнта гістарычныя помнікі і творы мастацтва пачалі імкліва сцякацца ў Анкару, што паставіла пытанне аб прасторным музейным будынку. Неўзабаве пасля рэстаўрацыі музею былі перададзены архітэктурныя помнікі XV ст.: крыты рынак і караван-сарай Куршунлу Хан^[tr].

Канчаткова рэстаўрацыйныя работы былі завершаны толькі ў 1968 г., але для наведвальнікаў музей адкрыўся ўжо ў 1940 г., пасля аднаўлення вялікага памяшкання рынка. Сёння крыты рынак змяшчае сталую экспазіцыю музея.

Пасля заканчэння рэстаўрацыі будынка караван-сарая Куршунлу Хан там размясціліся даследчыя лабараторыі, бібліятэка, канферэнц-зала і тэхнічныя майстэрні.

У 1997 г. быў абвешчаны лепшым еўрапейскім музеем года.

Экспазіцыя правіць

Выставачная зала

Экспазіцыя мае наступныя раздзелы: «Палеаліт» (знаходкі з пячоры Караін^[ru] у Антальі); «Неаліт» (каменныя статуэткі багоў, гліняны посуд, касцяныя прылады працы для апрацоўкі зямлі, знойдзеныя каля вёсак Чаталхёюк і Хаджылар^[ru]); «Ранні бронзавы век» (прылады працы з медзі); «Бронзавы век» (прадметы з медзі рознага прызначэння з пахавальных комплексаў); «Хеты» (артэфакты, якія ілюструюць побыт людзей эпохі першага палітычнага саюза на тэрыторыі краіны); «Фракійцы» (знаходкі з месца былой сталіцы дзяржавы гэтага народа); «Урарту» (археалагічныя знаходкі, якія сведчаць пра значныя поспехі жыхароў гэтай краіны ў металургіі і архітэктуры); «Познія хеты».

У экспазіцыі дэманструюцца манеты, а таксама зброя, помнікі матэрыяльнай культуры і мастацтва, якія паходзяць са старажытнагрэчаскіх гарадоў, Рымскай і Візантыйскай імперый.

Галерэя правіць

Статуэтка аленя, сімвал хецкага бога
Бронзавая статуя аголенай жанчыны, якая корміць дзіцё, знойдзеная ў грабніцы ў Харазтэпэ^[tr].
Бронзавы рэлігійны штандар знойдзены ў Алакахёюку^[tr] (2100-2000 гг. да н.э.), які сімвалізуе сусвет і выкарыстоўваўся хецкімі жрацамі.
Сядзячая жанчына з Чатал-Хююка (прыкладна 6000-5500 гг. да н.э.)
Дакладная копія хецкага помніка з Фасілара^[de]
Статуя ў двары.
Цырыманіяльны хецкі бронзавы прадмет з фігурамі быкоў і аленяў, якія раней выкарыстоўваліся ў якасці гарадскога герба Анкары.
Хімера з дзвюма галовамі: чалавека і льва. Позні хецкі перыяд
Рэканструкцыя камеры грабніцы Мідаса ў Гордыяне
Галовы быкоў з Чатал-Хююка
Рымская галава багіні (2 стагоддзе н.э.)
Бронзавая таблічка з Чарум-Багазкёй, датаваная 1235 годам да нашай эры
Рельефы з Алакахёюка^[tr].
Ідал з Кюльтэпэ.
Разьба па слановай косці, знойдзеная ў Алтынтэпэ^[en].
Арыгінальны рэльеф з Каралеўскай брамы ў Хатусе.
Рэльефы калясніц з Кархеміша.
Хуры і Шэры, быкі хецкага бога буры
Статуя фрыгійскага перыяду, знойдзеная ў Багазкале.

Літаратура правіць

Музеі замежных краін : вучэб. дапам. для студэнтаў гіст. фак. спец. 1-23 01 12 «Музейная справа і ахова гісторыка-культурнай спадчыны (па напрамках)». У 2 ч. Ч. 2. Музеі Азіі, Амерыкі, Аўстраліі, Афрыкі / Л. У. Бярэйшык, А. А. Гужалоўскі. — Мінск : БДУ, 2008. — 247 с. : іл. ISBN 978-985-485-855-5.

Спасылкі правіць

На Вікісховішчы ёсць медыяфайлы па тэме Музей анаталійскіх цывілізацый
anadolumedeniyetlerimuzesi.gov.tr — афіцыйны сайт Музея анаталійскіх цывілізацый

[_a61ecdc0f0c5a2be-1] ttps://kvmgm.ktb.gov.tr/TR-44060/ankara-anadolu-medeniyetleri-muze-mudurlugu.html

[_d79d7b1ed8ace15c-2] ttps://muze.gov.tr/muze-detay?SectionId=AMM01&DistId=AMM

[1]

[2]

Музей анаталійскіх цывілізацый

Заснаваны	1921^[1]
Адкрыты	1943^[2]
Месцазнаходжанне	Altındağ^[d]
Наведвальнікі	450 000 чал.

anadolumedeniyetlerimuzesi.gov.tr
Медыяфайлы на Вікісховішчы