Музей гісторыі горада Брэста
Музей гісторыі горада Брэста — музей у Брэсце, размешчаны ў будынку па адрасе вуліца Леванеўскага, 3.
| Музей гісторыі горада Брэста | |
|---|---|
 |
Быў адкрыты 25 ліпеня 1998 года, у дні святкавання дня горада. Выставачная плошча — каля 200 м². Спачатку ён быў філіялам Брэсцкага абласнога краязнаўчага музея, з 1 студзеня 2007 года — структурнае падраздзяленне аддзела культуры Брэсцкага гарвыканкама. Штогод тут праводзіцца 250—300 экскурсій.
У пастаяннай экспазіцыі музея прадстаўлена каля 800 экспанатаў, якія распавядаюць аб гісторыі горада, пачынаючы з яго заснавання ў 1019 годзе і да 1939 года. Гэта дакументы, зброя, макеты, карты і планы горада, паштоўкі і фатаграфіі з яго відамі, прадметы побыту. Сярод іх ёсць нямала рарытэтных экспанатаў. Напрыклад, падлогавы гадзіннік, выраблены ў Брэст-Літоўску ў 1767 годзе нямецкім майстрам, скарб манет салідаў, датуемы другой паловай ХVII стагоддзя, як мяркуецца адчаканеных Брэсцкім манетным дваром (1665—1666 гг.).
Спасылкі правіць
На Вікісховішчы пакуль няма медыяфайлаў па тэме, але Вы можаце загрузіць іх
