Музей карабля Ваза
Музей карабля Ва́за, таксама Музей карабля Ва́са (шведск.: Vasamuseet) — музей у сталіцы Швецыі Стакгольме, які змяшчае карабель XVII стагоддзя Ваза. Размешчаны на востраве Юргордэн. Заснаваны 15 чэрвеня 1990 года і ўваходзіць у групу Дзяржаўных марскіх музеяў Швецыі.
| Музей карабля Ваза | |
|---|---|
| Vasamuseet | |
 Фасад музея карабля Ваза з поўначы | |
| Заснаваны | 15 чэрвеня 1990 |
| Адкрыты | 15 чэрвеня 1990 |
| Месцазнаходжанне | Стакгольм |
| Наведвальнікі |
|
| Адрас | Galärvarvsvägen 14 |
| Дырэктар | Ліса Монсан |
| vasamuseet.se (шведск.) | |
 Медыяфайлы на Вікісховішчы | |
Гісторыя правіць
У 1625 годзе кароль Швецыі Густаў II Адольф загадаў пабудаваць для свайго флоту новы, моцны карабель, які мусіў стаць яго флагманам. У 1627 годзе будаўніцтва 64-гарматнага карабля Vasa, названага ў гонар каралеўскай дынастыі Ваза, было завершана, а 10 жніўня 1628 года карабель адправіўся ў свой першы рэйс. Але ўжо праз прыкладна 1 000 м ён патануў.
25 жніўня 1956 года шведскі гісторык-аматар Андэрс Франсен адшукаў затанулы карабель у раёне Бекгольмскага дока[2]. У 1961 годзе Ваза быў падняты з вады і размешчаны ў часова прыстасаваным для гэтага будынку. У 1986 годзе пачалося будаўніцтва сучаснага будынка музея, які быў урачыста адкрыты 15 чэрвеня 1990 года. У 2013 годзе музей быў перабудаваны і пашыраны.
Наведвальнікі правіць
Музей карабля Ваза з’яўляецца адным з найбольш папулярных турыстычных атракцыёнаў Швецыі. У 2014 годзе яго наведалі 1 220 000 турыстаў, што ставіць яго на другое месца паводле папулярнасці пасля Скансена[3].
Галерэя правіць
-
Карабель Вазу падымаюць з вады. Востраў Бекгольмен, 1961 год -
Уваход у музей -
Унутры музея -
Чарга ў музей
Зноскі
- ↑ http://www.sverigesmuseer.se/wp/wp-content/uploads/2015/01/besok-2014_bilaga.pdf Праверана 8 лютага 2015.
- ↑ KTH hyllar Vasas upptäckare (паўн.-саам.)
- ↑ Landets museer lockar fler besökare Архівавана 2 кастрычніка 2015. (паўн.-саам.)
Спасылкі правіць
На Вікісховішчы ёсць медыяфайлы па тэме Музей карабля Ваза- Афіцыйны сайт
- Віртуальнае падарожжа па музеі з панарамай у 360°
