Мурманск

Му́рманск — горад у Расіі, цэнтр Мурманскай вобласці, горад-герой. Насельніцтва (2005) — 320,9 тыс. жыхароў, гэта найбуйнейшы горад у свеце на поўнач ад палярнага круга. Мурманск — вялікі порт на ўзбярэжжы Баранцава мора, зімою не замярзае.

Горад Мурманск руск.: Мурманск Герб Краіна Расія Суб’ект федэрацыі Мурманская вобласць Муніцыпальны раён Мурманск Каардынаты 68°58′00″ пн. ш. 33°05′00″ у. д. Кіраўнік Андрэй Сысоеў[d] Заснаваны 4 кастрычніка 1916 Плошча 154,4 км² Вышыня цэнтра 50 м Насельніцтва 292 465 чал. (1 студзеня 2019) Часавы пояс UTC+4 Тэлефонны код 8152 Паштовыя індэксы 183000 Аўтамабільны код 51 Код АКАТП 47401000000 Афіцыйны сайт citymurmansk.ru​ (руск.) Мурманск на карце Расіі ±

Медыяфайлы на Вікісховішчы

У горадзе знаходзіцца аддзяленне беларускага пасольства.

Гісторыя

Заснаваны 21 верасня 1916 года ў сувязі са стварэннем марскога порта ў Кольскім заліве. У сакавіку 1918 — лютым 1920 гадоў быў акупаваны войскамі Антанты і белагвардзейцамі. 7 сакавіка 1920 года ў Мурманск увайшлі часткі Чырвонай Арміі. З 1921 года — цэнтр Мурманскай губерні, з 1927 года — Мурманскай акругі Ленінградскай вобласці, з 1938 года абласны цэнтр. У час Вялікай Айчыннай вайны Мурманскі порт сыграў вялікую ролю ў забеспячэнні СССР і арміі, бо праз яго ішлі грузы, якія паступалі з краін-саюзніц па барацьбе з нацысцкай Германіяй.

Эканоміка

Галоўныя галіны прамысловасці — рыбная і рыбаперапрацоўчая, суднарамонтная, вытворчасць будматэрыялаў.

Вядомыя асобы

• Алена Беркава
• Сяргей Курохін — расійскі музыкант.
• Аляксандр Аляксандравіч Сурыкаў — расійскі дзяржаўны дзеяч.
• Людміла Георгіеўна Сядых (нар. 1945) — беларускі архітэктар.
• Сямён Смунёў (нар. 1995) — беларускі футбаліст.

Літаратура

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• На Вікісховішчы ёсць медыяфайлы па тэме Мурманск
• Аддзяленне беларускага пасольства Архівавана 24 жніўня 2007.