Міжнародны дзень памяці пра Чарнобыльскую катастрофу
Дзень памяці загінулых у радыяцыйных аварыях і катастрофах штогадова адзначаецца 26 красавіка ў памяць аб падзеях 1986 года на Чарнобыльскай АЭС.
У гэты дзень на Чарнобыльскай атамнай электрастанцыі адбылася найбуйнейшая ў свеце тэхнагенная катастрофа. Было выкінута ў атмасферу каля 190 тон радыёактыўных рэчываў. Небяспечныя радыёактыўныя рэчывы выкідваліся ў навакольнае асяроддзе з-за пажару, які цягнуўся амаль два тыдні. Насельніцтва падпала пад апрамяненне, у 90 разоў вялікшае, чым насельніцтва Хірасімы пасля выбуху атамнай бомбы.
Наступствы правіць
Была забруджана тэрыторыя ў 160 000 квадратных кіламетраў ― паўднёва-усходняя Беларусь, паўночная Украіна і захад Расіі. Каля 400 тысяч чалавек былі эвакуяваныя з зоны бедства. У Беларусі найболей пацярпелі Гомельская і Магілёўская вобласці. Вялізныя рэгіёны сталі непрыдатнымі дзеля чалавечага жыцця. Аварыя негатыўна паўплывала на здароўе насельніцтва і на працягласць жыцця.
Маштабы катастрофы былі б яшчэ вялікшыя, калі б не мужнасць і адвага ліквідатараў наступстваў аварыі на Чарнобыльскай АЭС. Рызыкуючы жыццём, здароўем яны абаранілі людзей ад згубнага ўдзеяння і далейшага распаўсюду радыяцыі. Наступствы будуць працягвацца яшчэ вельмі доўга: перыяд паўраспаду плутонію-239 складае 24 360 гадоў[1].
Сусветная рэакцыя правіць
У некаторых дзяржавах пасля аварыі на ЧАЭС адмовіліся ад распрацовак у галіне атамнай энергіі. Праверкі на бяспеку АЭС сталі яшчэ болей пільнымі. Электрастанцыі, якія адпрацавалі свой тэрмін, зачыняюць. ЕС прыняў захады да закрыцця Ігналінскай АЭС у Літве. У будучыні там будзе пабудавана іншая атамная элетрастанцыя.