Мікалай Іванавіч Рош
Мікалай Іванавіч Рош (7 ліпеня 1933, с. Дунаеўка Прыазоўскага раёна Запарожскай вобласці — 10 жніўня 2018, Мінск) — беларускі савецкі партыйны, прафсаюзны і гаспадарчы дзеяч, ганаровы грамадзянін горада Пінска[1].
| Мікалай Іванавіч Рош | |
|---|---|
 | |
| Дата нараджэння | 7 ліпеня 1933 |
| Месца нараджэння | |
| Дата смерці | 10 жніўня 2018 (85 гадоў) |
| Месца смерці | |
| Грамадзянства | |
| Альма-матар | |
| Партыя | |
| Узнагароды і прэміі |
   |
Біяграфія правіць
Нарадзіўся ў 1933 годзе ў Запарожскай вобласці. Працоўную дзейнасць пачаў у 1951 годзе фрэзероўшчыкам на заводзе.
У лістападзе 1952 быў прызваны на вайсковую службу, якую праходзіў у горадзе Пінск[1] у 1-м вучэбным атрадзе ВМФ СССР. Пасля заканчэння школы матарыстаў застаўся ў атрадзе даслужваць свой тэрмін інструктарам. Падчас службы на флоце ў 1956 годзе ўступіў у шэрагі КПСС.
Пасоя дэмабілізацыі застаўся ў Пінску[1], уладкаваўся на работу матарыстам-рулявым на Пінскі ордэна Знак Пашаны суднабудаўніча-суднарамонтны завод. Завочна скончыў індустрыяльны тэхнікум, за час працы на Пінскім суднабудаўніча-суднарамонтным заводзе (1957—1961) быў механікам, пасля інжынерам. З моманту адкрыцця ў Пінску філіяла Ленінградскага інстытута воднага транспарту (ЛІВТ) у ліку першых паступіў туды на вучобу.
У 1962 годзе быў вылучан на партыйную працу — інструктарам прамыслова-транспартнага аддзела Пінскага гаркама КПБ. Ужо праз год стаў загадчыкам гэтым аддзелам, а ў лістападзе 1965 пераведзены на пасаду другога сакратара Пінскага гаркама КПБ. У жніўні 1970 паступіў на вучобу ў Вышэйшую партыйную школу пры ЦК КПСС, пасля заканчэння якой стаў працаваць інструктарам Брэсцкага абласнога камітэта КПБ. Вясной 1973 года прызначаны загадчыкам прамыслова-транспартнага аддзелам Брэсцкага абласнога камітэта КПБ.
З жніўня 1975 года — першы сакратар Пінскага гаркама КПБ.
У 1985—1997 гадах — Першы намеснік старшыні Федэрацыі прафсаюзаў Рэспублікі Беларусь у Мінску.
У 1992—1997 гадах — Старшыня камісіі па пытаннях Чарнобыльскай катастрофы пры Усеагульнай канфедэрацыі прафсаюзаў.
У 2003 годзе прысвоена званне «Ганаровы грамадзянін горада Пінска»[1] за вялікія заслугі перад горадам Пінскам[1] і значны асабісты ўклад у яго сацыяльна-эканамічнае развіццё.
У 1980—1989 гадах абіраўся членам Прэзідыума Вярхоўнага Савета БССР, дэпутатам Вярхоўнага Савета БССР 10—11 скліканняў. Абіраўся дэлегатам XXVIII, XXIX, XXXX з’ездаў КПБ, членам ЦК КПБ.
Узнагароды правіць
За працоўныя заслугі ўзнагароджаны:
- Ганаровая грамата Вярхоўнага Савета БССР (1968);
- Ганаровая грамата Вярхоўнага Савета БССР (1983);
- ордэнам Працоўнага Чырвонага Сцяга;
- медалём «За доблесную працу»;
- Ганаровы грамадзянін горада Пінска (2003).
Зноскі
- ↑ а б в г д Ганаровыя грамадзяне Пінска Архівавана 4 снежня 2020.
Літаратура правіць
- Долготович Б. Д. Почетные граждане белорусских городов : биографический справочник. — Мн., 2008. — С. 59.
Спасылкі правіць
- Ганаровыя грамадзяне Пінска. Архівавана 4 снежня 2020. (руск.)
- Николай Калько. блог Пинчуки и Пинчане Статья о Рош Н.И.. www.blogger.com. Николай Калько (4 кастрычніка 2018)..