Мікалай Мікалаевіч Лабко

Мікалай Мікалаевіч Лабко
Мікалай Мікалаевіч Лабко
старшыня Баранавіцкага гарадскога выканаўчага камітэта[d]
	1988 — 1995
дэпутат Вярхоўнага Савета БССР 12-га склікання
	1990 — 1995
Нараджэнне	5 мая 1948; Клепачы, Сноўскі сельсавет, Нясвіжскі раён, Баранавіцкая вобласць, БССР, СССР;
Смерць	22 лютага 2024 (75 гадоў)
Адукацыя	Баранавіцкі тэхнікум лёгкай прамысловасці (1967);
Дзейнасць	інжынер
Месца працы	Баранавіцкае вытворчае баваўнянае аб’яднанне; Баранавіцкі гаркам КПБ[d]; Брэсцкі абкам КПБ[d]; Баранавіцкі гарадскі выканаўчы камітэт;

Мікалай Мікалаевіч Лабко (5 мая 1948, Клепачы, Нясвіжскі раён — 22 лютага 2024) — беларускі партыйны і палітычны дзеяч, старшыня Баранавіцкага гарвыканкама (1988—1995), дэпутат Вярхоўнага Савета Рэспублікі Беларусь 12 склікання (1990—1995)^[1].

Біяграфія правіць

Нарадзіўся 5 мая 1948 года ў вёсцы Клепачы Нясвіжскага раёна. Вырас ён у Баранавічах, дзе ў 1967 годзе скончыў тэхнікум лёгкай прамысловасці^[2].

У 1967 годзе пачаў працоўную дзейнасць слесарам Баранавіцкага баваўнянага камбіната^[1]. Працаваў інструктарам, а пазней загадчыкам прамыслова-транспартнага аддзела Баранавіцкага гаркама КПБ, пасля інструктарам, намеснікам загадчыка аддзела Брэсцкага абкама КПБ. У 1976 годзе абраны вызваленым сакратаром партыйнай арганізацыі ткацкай вытворчасці^[1].

У 1985 годзе Мікалай Лабко вярнуўся ў Баранавічы другім сакратаром гаркама КПБ^[1]. У 1988 годзе Лабко быў прызначаны старшынёй Баранавіцкага гарвыканкама і гарадскога Савета народных дэпутатаў адначасова^[2].

У 1990 годзе выбраны дэпутатам Вярхоўнага Савета Рэспублікі Беларусь 12 склікання. Спачатку ўваходзіў у камуністычную, а потым пракебічаўскую групу «Беларусь», хаця пры гэтым не быў «ястрабам». 25 жніўня 1991 па ўсім пакеце законапраектаў аб Незалежнасці галасаваў «За»^[2].

У 1995 годзе пакінуў пасаду старшыні Баранавіцкага гарвыканкама. У 1996 годзе ўзначаліў Баранавіцкі цэнтр стандартызацыі, метралогіі і сертыфікацыі. З 2018 года на пенсіі^[1].

Памёр 22 лютага 2024 года пасля цяжкай хваробы^[1].

Зноскі

↑ ^а ^б ^в ^г ^д ^е Умер бывший председатель Барановичского горисполкома | Барановичи24.BY (руск.)(недаступная спасылка). baranovichi24.by. Архівавана з першакрыніцы 26 лютага 2024. Праверана 26 лютага 2024.
↑ ^а ^б ^в Памёр былы дэпутат Вярхоўнага Савета Мікалай Лабко. Афіцыйныя некралогі змаўчалі пра адзін важны факт (бел.). Наша Ніва. Праверана 26 лютага 2024.

[:0-1] а ^б ^в ^г ^д ^е Умер бывший председатель Барановичского горисполкома | Барановичи24.BY (руск.)(недаступная спасылка). baranovichi24.by. Архівавана з першакрыніцы 26 лютага 2024. Праверана 26 лютага 2024.

[:1-2] а ^б ^в Памёр былы дэпутат Вярхоўнага Савета Мікалай Лабко. Афіцыйныя некралогі змаўчалі пра адзін важны факт (бел.). Наша Ніва. Праверана 26 лютага 2024.

[1]

[2]