Мілан Кучан

Мілан Кучан (славенск.: Milan Kučan; 14 студзеня 1941, Крыжэўцы, Югаславія) — славенскі палітык, першы прэзідэнт Славеніі з 8 кастрычніка 1991 г. да 22 снежня 2002.

Мілан Кучан
славенск.: Milan Kučan
1-ы Прэзідэнт Славеніі 23 снежня 1991 — 22 снежня 2002
Папярэднік	Пасада заснавана, ён сам як Старшыня Прэзідыума Славеніі
Пераемнік	Янез Дрноўшак
Нараджэнне	14 студзеня 1941(1941-01-14) (83 гады) Крыжэўцы[d], Драўская банавіна, Каралеўства Югаславія
Жонка	Стэфка Кучан
Дзеці	дзве дочкі
Веравызнанне	лютэранства
Партыя	Камуністычная партыя Славеніі[d]
Адукацыя	Люблянскі ўніверсітэт
Дзейнасць	палітык, камісар, адвакат, юрыст
Навуковая дзейнасць
Навуковая сфера	палітыка і права
Аўтограф
Узнагароды	Кавалер Вялікага крыжа ордэна Трох Зорак Ордэн Караля Таміслава на стужцы з Вялікай Зоркай Крыж pro Merito Melitensi Кавалер Вялікага крыжа ордэна Інфанта дона Энрыке Кавалер ордэна Падвойнага белага крыжа 1 класа
Медыяфайлы на Вікісховішчы

Біяграфія

Нарадзіўся ў сям'і настаўнікаў-лютэранаў. Яго бацька загінуў падчас Другой сусветнай вайны, а сям'я жыла ў Сербіі, з'ехаўшы з акупаванай Славеніі. Кучан атрымаў юрыдычную адукацыю ў Люблянскім універсітэце і пачаў рабіць паспяховую кар'еру ў камуністычных арганізацыях. У 1968 ён стаў старшынёй Славенскай моладзевай асацыяцыі, у 1974—1978 быў сакратаром Сацыялістычнага альянсу ў Славеніі, ажыццяўляў кіраўніцтва прафсаюзамі, у 1978 стаў старшынёй Нацыянальнай асамблеі, а ў 1982 прадстаўніком Саюза Камуністаў Славеніі ў ЦК Саюза Камуністаў Югаславіі ў Бялградзе. У 1986 Кучан стаў старшынёй Саюза камуністаў Славеніі. На гэтай пасадзе ён спрыяў росту ліберальных палітычных тэндэнцый у Славеніі і выступаў за збліжэнне з Еўропай і еўрапейскія каштоўнасці, што прывяло да канфлікту з лідарам сербскіх камуністаў Слабоданам Мілошавічам, які завяршыўся сыходам славенскай дэлегацыі на чале з Кучанам са з'езду партыі 23 студзеня 1990 г.. Гэта стала пачаткам развалу СКЮ.