Міхаіл Васільевіч Крыштаповіч

Міхаіл Васільевіч Крыштаповіч (нар. 22 красавіка 1956, Брылькі Валожынскага раёна Мінскай вобласці) — беларускі дзяржаўны дзеяч.

Міхаіл Васільевіч Крыштаповіч
Нараджэнне	22 красавіка 1956(1956-04-22) (67 гадоў) Брылькі, Брыльскі сельсавет, Валожынскі раён, Маладзечанская вобласць, БССР, СССР
Адукацыя	Кастрамскі дзяржаўны ўніверсітэт[d] Беларускі дзяржаўны эканамічны ўніверсітэт
Дзейнасць	дзяржаўны дзеяч
Месца працы	Гарадзейскі цукровы камбінат
Узнагароды	Ганаровая грамата Савета Міністраў Рэспублікі Беларусь Ганаровая грамата Нацыянальнага сходу Рэспублікі Беларусь

Біяграфія

Скончыў Кастрамскі тэхналагічны інстытут (інжынер-механік-тэхнолаг), Беларускі дзяржаўны эканамічны ўніверсітэт (юрыст).

Працоўную дзейнасць пачаў рабочым Валожынскага масласырзавода Мінскай вобласці. Пасля службы ў радах Узброеных Сіл працаваў вучнем слесара Валожынскага льнозавода. Быў майстрам кантрольна-вымяральных прыбораў і аўтаматыкі Крупскага льнозавода, галоўным інжынерам Валожынскага льнозавода, дырэктарам Нясвіжскага льнозавода, дырэктарам адкрытага акцыянернага таварыства «Нясвіжскі льнозавод». Дырэктар адкрытага акцыянернага таварыства «Гарадзейскі цукровы камбінат».

Выбіраўся членам Савета Рэспублікі Нацыянальнага сходу Рэспублікі Беларусь 4-га склікання.

Узнагароды

Узнагароджаны медалём «За працоўныя заслугі», юбілейнымі медалямі «60 гадоў Перамогі ў Вялікай Айчыннай вайне 1941—1945 гг.», «65 гадоў Перамогі ў Вялікай Айчыннай вайне 1941—1945 гг.», «65 год вызвалення Рэспублікі Беларусь ад нямецка-фашысцкіх захопнікаў», Ганаровай граматай Нацыянальнага сходу Рэспублікі Беларусь, Ганаровай граматай Кабінета Міністраў Рэспублікі Беларусь.