Міхаіл Мікалаевіч Бадзяка

Міхаіл Мікалаевіч Бадзя́ка (17 жніўня 1914, в. Пячары, Касцюковіцкі раён — 19 лютага 1998) — беларускі вучоны ў галіне металазнаўства. Член-карэспандэнт АН БССР (1974), доктар тэхнічных навук, прафесар (1968). Заслужаны дзеяч навукі і тэхнікі БССР (1981).

Міхаіл Мікалаевіч Бадзяка
Дата нараджэння	17 жніўня 1914(1914-08-17)
Месца нараджэння	Пячары, Клімавіцкі павет, Магілёўская губерня, Расійская імперыя
Дата смерці	19 лютага 1998(1998-02-19) (83 гады)
Грамадзянства	Расійская імперыя  БССР  Беларусь
Род дзейнасці	навуковец, выкладчык універсітэта, металург
Навуковая сфера	металазнаўства, металургія і цеплаперадача
Месца працы	Фізіка-тэхнічны інстытут НАН Беларусі
Навуковая ступень	доктар тэхнічных навук
Навуковае званне	прафесар член-карэспандэнт АН БССР
Альма-матар	Маскоўскі інстытут сталі (1941)
Прэміі
Узнагароды

Біяграфія

Скончыў Маскоўскі інстытут сталі ў 1941 годзе. З 1953 года намеснік дырэктара, старшы навуковы супрацоўнік, загадчык лабараторыі Фізіка-тэхнічнага інстытута АН БССР.

Навуковая дзейнасць

Навуковыя працы па даследаванні тэрмакінэтыкі структурных і фазавых ператварэнняў у металах і сплавах ва ўмовах высокіх і звышвысокіх хуткасцяў нагрэву, працэсам вяртання металаў і рэкрышталізацыі металаў, у якіх эксперыментальна усталяваны тэмпературны гістарэзіс рэкрышталізацыонных працэсаў пад уздзеяннем вялікіх хуткасцяў нагрэву. Распрацаваў тэарэтычныя асновы тэрмакінетыкі рэкрышталізацыі.

Навуковыя працы

Аўтар каля 200 навуковых прац, у тым ліку 5 манаграфій, больш за 30 вынаходстваў.

• Термокинетика рекристаллизации. Мн., 1968 (совм. с С. А. Астапчиком, Г. Б. Ярошевичем).
• Сверхтвердые материалы и техника. М., 1971 (совм. с С. А. Астапчиком).
• Мартенситно-стареющие стали. Мн., 1976 (совм. с С. А. Астапчиком, Г. Б. Ярошевичем).
• Электротермообработка сплавов с особыми свойствами. Мн., 1977 (совм. с С. А. Астапчиком).

Узнагароды

Дзяржаўная прэмія БССР 1988 года за распрацоўку тэорыі, тэхналогіі і абсталявання для атрымання гетэрагенных матэрыялаў метадамі электратэрміі і арганізацыі серыйнай вытворчасці гэтых матэрыялаў.

Узнагароджаны медалямі.

Літаратура

• Бадзя́ка Міхаіл Мікалаевіч // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 213. — 10 000 экз. — ISBN 985-11-0035-8. — ISBN 985-11-0061-7 (т. 2).
• Михаил Николаевич Бодяко (К 70-летию содня рождения) // Весцi АН БССР. Сер. фiз.-тэхн. навук. — 1984, № 3.
• Бодяко Михаил Николаевич // Изобретатель, № 7 (187) 2015. — С. 35.

Спасылкі

• Член-карэспандэнт БАДЗЯКА Міхаіл Мікалаевіч (руск.)
• Міхаіл Мікалаевіч Бадзяка ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• Памяці вучонага. Бадзяка Міхаіл Мікалаевіч // Сайт НАНБ