Міхаіл Якаўлевіч Міроненка

Міхаіл Якаўлевіч Міроненка або Міраненка — інжынер-архітэктар (1861 — ?). Калежскі сакратар.

Міхаіл Якаўлевіч Міроненка
Дата нараджэння	1861
Месца нараджэння	Рамны, Раменскі павет[d], Палтаўская губерня, Расійская імперыя
Дата смерці	невядома
Альма-матар	Раменскае рэальнае вучылішча[d] Сумскае рэальнае вучылішча[d] Санкт-Пецярбургскі дзяржаўны архітэктурна-будаўнічы ўніверсітэт (1887)
Медыяфайлы на Вікісховішчы

Біяграфія

Дзяцінства і адукацыя

Пачатковую адукацыю атрымаў у Раменскім і Сумскім рэальных вучылішчах. У 1882 годзе паступіў у 1882 годзе, выпусціўся ў 1887 годзе са званнем грамадзянскага архітэктара і чынам X класа.

Прафесійная дзейнасць

Працяглая хвароба не дала яму магчымасці адразу паступіць на службу, і ён быў вымушаны паехаць на радзіму, дзе меў такую-сякую практыку ў г. Рамнах Палтаўскай губерні.

З 24 мая 1889 года працаваў малодшым інжынерам у Магілёве і займаўся, галоўным чынам, складаннем праектаў і каштарысаў, а таксама кіраваў рамонтам рознага роду казённых будынкаў, як то: турмаў, прысутных месцаў, мужчынскай і жаночай гімназій у Магілёве і розных іншых. У 1891 годзе М. Міроненка, акрамя гэтага, прызначаны загадчыкам участка арлоўска-віцебскага шасэ ў межах Магілёўскай губерні. З 1895 і прынамсі да 1903 займаў пасаду магілёўскага губернскага архітэктара. Не пазней за 1909 стаў магілёўскім губернскім інжынерам і займаў гэту пасаду прынамсі да 1916 года.

Творчасць

• 1887-89:
  • Драўляная царква на могілках у с. Засуллі Раменскага павета Палтаўскай губерні
• 1889-91:
  • Мураваны будынак гарадской казармы ў г. Магілёве
  • Мураваная Свята-Васкрасенская царква ў м. Шамаве Мсціслаўскага павета
  • Прыстасаванне абгарэлага будынка былых прысутных месцаў для гарадскіх устаноў у г. Мсціславе

Адрасы

У Магілёве да 1914 года жыў ва ўласным доме па вул. Зялёнай, а потым ва ўласным доме па вул. Дваранскай.