Міхаіл Іванавіч Пржыбытка

Міхаіл Іванавіч Пржыбы́тка (2 лютага 1906, Мінск — 18 лістапада 1973) — беларускі дзеяч тэатра. Заслужаны дзеяч культуры Беларускай ССР (1967).

Міхаіл Іванавіч Пржыбытка
Дата нараджэння	2 лютага 1906(1906-02-02)
Месца нараджэння	Мінск, Мінскі павет, Мінская губерня, Расійская імперыя
Дата смерці	18 лістапада 1973(1973-11-18) (67 гадоў)
Прафесія	тэатральны дзеяч
Тэатр	Нацыянальны акадэмічны тэатр імя Янкі Купалы
Член у	БСТД
Узнагароды

Біяграфія

3 1925 года працаваў у Беларускім тэатры імя Я. Купалы рабочым сцэны, загадчыкам машынна-дэкарацыйнага і канструктарскага цэхаў, галоўным машыністам сцэны. Дасканала валодаў сваёй справай, умелы арганізатар творчага працэсу, зрабіў значны ўклад у тэхнічную аснашчанасць сцэны.

Член Беларускага саюза тэатральных дзеячаў з 1947 года.

Выканаў дэкарацыі да спектакляў: «Жыццё кліча» У. Біль-Белацаркоўскага (1935), «Як яе завуць» М. Адуева, «Далёкае» А. Афінагенава, «Ваўкі і авечкі» А. Астроўскага (усе 1936).

Літаратура

• Л. І. Балыніна. Пржыбытка Міхаіл Іванавіч // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.

Спасылкі

• Міхаіл Іванавіч Пржыбытка на сайце анлайн-энцыклапедыі «Беларусь у асобах і падзеях»