Навальніца-Z1 (руск.: Гроза-Z1) — беларуская мабільная сістэма абароны аб’ектаў ад беспілотных лятальных апаратаў. Распрацавана «КБ Радар» у рамках спецыяльнай серыі сродкаў і комплексаў для барацьбы з дронамі «Навальніца».

Навальніца-Z1

Навальніца-Z1 на пікапе.
Тып: мабільная сістэма абароны аб’ектаў ад БПЛА
Краіна: Сцяг Беларусі Беларусь
Гісторыя вытворчасці
Вытворца: КБ Радар
Гады вытворчасці: з 2020

Гісторыя правіць

7 верасня 2020 года Дзяржкамваенпрам Рэспублікі Беларусь заявіў, што «КБ Радар» распрацаваў і наладзіў серыйную вытворчасць комплексаў процідзеяння мультыкоптэрам Навальніца-Z1, прызначанага для абароны яхт, караблёў і іншых марскіх, а таксама наземных аб’ектаў ад несанкцыянаванага ўварвання дронаў, якія могуць выкарыстоўвацца для ажыццяўлення фота- і відэаздымкі прыватнага жыцця або камерцыйнай дзейнасці, а таксама дастаўкі небяспечных прадметаў, у тым ліку выбуховых прылад[1]. Пазней яе ўсталявалі на пікап, тым самым дазволіўшы комплексу змагацца з варожымі апаратамі на хаду[2]. Упершыню шырокай публіцы Навальніца-Z1 была прадстаўлена 23 чэрвеня 2021 года падчас выставы MILEX-2021 у Мінску[3].

Апісанне правіць

Комплекс уключае ў сябе прыёма-перадаючы модуль і модуль кіравання[4].

Навальніца-Z1 аўтаматычна кантралюе частоты, на якіх працуюць найбольш распаўсюджаныя БПЛА. Пры з’яўленні дронаў комплекс распазнае іх сігналы і аўтаматычна душыць каналы кіравання, перадачы даных, а таксама навігацыю. У выніку ўздзеяння яны альбо падаюць, альбо ажыццяўляюць вымушаную пасадку, альбо ляцяць «дадому». Акрамя таго, важнай вартасцю сістэмы з’яўляецца магчымасць пастаноўкі дэзынфармацыйных перашкод навігацыі для стварэння беспалётнай зоны для БПЛА. Сістэма можа быць устаноўлена на любы аўтамабільнае шасі, што дазваляе павысіць яе мабільнасць і забяспечыць хуткую дастаўку да месца прымянення. Работа па супрацьдзеянні беспілотнікам можа весціся як на стаянцы, так і падчас руху, што дазваляе абараняць не толькі стацыянарныя аб’екты, але і забяспечваць бяспеку транспартных калон[3]. Вонкава комплекс неадрозны ад стандартнага радыёабсталявання, што дазваляе яго карыстальнікам забяспечваць сваю бяспеку, не прыцягваючы залішняй увагі[1].

Далёкасць выяўлення дронаў — да 2 км, далёкасць падаўлення каналаў кіравання і перадачы дадзеных — не менш за 500 м, далёкасць падаўлення навігацыі — не менш за 2 км, вышыня падаўлення — 1,3 км[1], далёкасць пастаноўкі дэзынфармацыйных перашкод навігацыі — да 10 км[3]. Навальніца-Z1 кантралюе частоты 430—436, 860—870, 920—928, 1130—1370, 2280—2600 і 5725—5850 Мгц[4].

Зноскі