Народная партыя (Сербія, 2017)
Народная партыя (сербск.: Народна странка/Narodna stranka) — правацэнтрычная палітычная партыя ў Сербіі. Ачольвае партыю Вук Ераміч.
| Народная партыя | |
|---|---|
.svg){kind=small} | |
| Заснавальнік | Вук Ераміч[d] і Міраслаў Алексіч[d] |
| Дата заснавання | 22 кастрычніка 2017 |
| Штаб-кватэра | |
| Краіна | |
| Ідэалогія | кансерватызм |
| Сайт | narodna.org.rs |
 Медыяфайлы на Вікісховішчы | |
Партыя была сфарміравана ў кастрычніку 2017 года пасля таго, як Ераміч пераарганізаваў Народны рух Сербіі, палітычную партыю, якую ўзначальваў Міраслаў Алексіч. Новая арганізацыя супрацоўнічала з Драганам Джыласам, Рухам свабодных грамадзян і Сербскай лявіцай, з якімі Народная партыя брала ўдзел у выбарах у гарадскую раду Бялграда 2018 года. Кааліцыя здабыла 19% галасоў жыхароў сталіцы. Затым партыя далучылася да Саюза за Сербію, кааліцыі, якую стварыў Джылас, дзеля арганізацыі масавых антыўрадавых пратэстаў пасля нападу на Борка Стэфанавіча ў лістападзе 2018 года. Партыя байкатавала парламенцкія выбары 2020 года, заявіўшы, што ўмовы галасавання не будуць свабоднымі і справядлівымі. Пазней Народная партыя стала сябрам арганізацыі Аб’яднанай апазіцыі Сербіі, якая існавала ў перыяд са жніўня 2020 года па студзень 2021 года, а потым і Аб’яднання дзеля перамогі Сербіі.
У такой кааліцыі партыя брала ўдзел ва ўсеагульных выбарах 2022 года і вылучыла Здраўка Понаша, тагачаснага сябра партыі, у якасці кандыдата ў прэзідэнты. Понаш не здолеў перамагчы ў выбарах, тым не менш партыя здабыла 12 месцаў у Скупшчыне, але праз спрэчкі кааліцыя была скасавана. З тых часоў Народная партыя ўтварыла ўласныя парламенцкія групы і ідэалагічна супрацьстаіць Сербскай прагрэсіўнай партыі. Партыя лічыцца ліберальна-кансерватыўнай, і не зважаючы на тое, што яна намінальна падтрымлівае далучэнне Сербіі да Еўрапейскага Саюза, але палягае, усё ж такі, на еўраскептычных пазіцыях і заўжды бароніць ваенны нейтралітэт краіны.