Наша дискотека
«Наша дискотека» (бел.: Наша дыскатэка) — дэбютны студыйны альбом беларускага вакальна-інструментальнага ансамбля «Верасы», які быў выдадзены на вінілавай кружэлцы фірмай «Мелодия» ў 1980 годзе.
| Наша дискотека | |
|---|---|
.jpeg) | |
| музычны альбом Верасы | |
| Дата выпуску | 1980 |
| Жанр | поп-музыка |
| Працягласць | 33 хв. |
|
|
|
Гісторыя стварэння
правіцьСвае першыя запісы на грампласцінках ВІА «Верасы» выпусціў яшчэ ў 1975 годзе. У савецкія часы часопіс «Кругозор» меў дадатак у выглядзе пласцінак. Адным з герояў восьмага нумара часопіса ў 1975 годзе сталі «Верасы», а песні «Колыбельная» і «Даёшь Амур, даёшь Байкал» у іх выкананні ўвайшлі на гнуткую пласцінку ў дадатку да часопіса. Тады ж «Мелодия» выдала першыя два міньёны гурта, у якія ўвайшло па тры песні. У 1976 годзе «Верасы» атрымалі прыз на Міжнародным фестывалі палітычнай песні «Ален Мак» у Балгарыі, а выступ гурта быў запісаны на дыск «Краски мира» і выдадзены балгарскай фірмай грамзапісу «Балкантон». Але папулярны гурт стаў пасля выхаду першага дыска-гіганта «Наша дыскатэка», выпушчанага ў 1980 годзе. Першы тыраж Апрэлеўскага завода грамкружэлак складаў 90 тысяч асобнікаў. Паралельна, з іншым афармленнем пласцінкі выйшлі на Ленінградскім і Ташкенцкім заводах. Усяго ж існуе шэсць выданняў «Нашай дыскатэкі», песню «Малиновки заслышав голосок» спяваў увесь Савецкі Саюз.[1]
Спіс кампазіцый
правіць| № | Назва | Словы | Музыка | Працягласць |
|---|---|---|---|---|
| 1. | «Наша Дискотека» | М. Таніч | В. Раінчык | 3:37 |
| 2. | «Люблю Тебя» | У. Харытонаў | І. Якушэнка | 3:28 |
| 3. | «Зарянка» | С. Давыдаў | В. Іваноў | 4:02 |
| 4. | «Любишь — Не Любишь» | І. Каханоўскі | В. Дабрынін | 3:22 |
| 5. | «Цветные Сны» | М. Таніч | У. Шаінскі | 3:30 |
| 6. | «Чур-Чура» | У. Някляеў | В. Раінчык | 3:30 |
| 7. | «Белый Парус» | Б. Акуджава | Я. Глебаў | 3:05 |
| 8. | «Снежный Человек» | М. Таніч | В. Раінчык | 3:26 |
| 9. | «Заклинание» | Я. Еўтушэнка | І. Лучанок | 3:10 |
| 10. | «Малиновки Заслышав Голосок» | А. Папярэчны | Э. Ханок | 2:31 |
Удзельнікі запісу
правіць- Васіль Раінчык ― кампазітар, мастацкі кіраўнік
Зноскі
- ↑ Белорусский винил. Часть 1 (руск.)(недаступная спасылка). Telegraf.by (17 ліпеня 2013). Архівавана з першакрыніцы 4 студзеня 2022. Праверана 4 студзеня 2022.
Спасылкі
правіць
На Вікісховішчы пакуль няма медыяфайлаў па тэме, але Вы можаце загрузіць іх
