Неэмэ Ярві

Неэмэ Ярві (эст.: Neeme Järvi; нар. 7 чэрвеня 1937, Талін) — эстонскі і амерыканскі дырыжор. Народны артыст Эстонскай ССР (1971). Лаўрэат Дзяржаўнай прэміі СССР (1978).

Неэмэ Ярві
Род дзейнасці	дырыжор
Дата нараджэння	7 чэрвеня 1937(1937-06-07) (87 гадоў)
Месца нараджэння	Талін, Эстонія
Грамадзянства	Эстонія  СССР  ЗША
Бацька	August Järvi[d]
Маці	Elss Järvi[d]
Жонка	Liilia Järvi[d]
Дзеці	Paavo Järvi[d], Kristjan Järvi[d] і Maarika Järvi[d]
Альма-матар	Эстонская акадэмія музыкі і тэатра Санкт-Пецярбургская дзяржаўная кансерваторыя імя М. А. Рымскага-Корсакава
Узнагароды і прэміі	Estonian Music Council's music award[d] (2012) Hugo Alfvén Award[d] (1991) ганаровы грамадзянін Пярну[d] (2003)
Медыяфайлы на Вікісховішчы

Біяграфія

У 1955—1960 гадах вучыўся ў Талінскім музычным вучылішчы на ​​аддзяленнях ударных інструментаў і харавога дырыжыравання.

У 1955—1960 гадах вучыўся ў Ленінградскай кансерваторыі на аддзяленні оперна-сімфанічнага дырыжыравання ў Мікалая Рабіновіча і Яўгена Мравінскага.

У 1980 годзе Ярві з сям’ёй пакінуў Савецкі Саюз і пераехаў у ЗША, з 1987 г. грамадзянін ЗША. У 1982—2004 гадах галоўны дырыжор Гётэбаргскага сімфанічнага аркестра, адначасова ў 1984—1988 гадах узначальваў Шатландскі нацыянальны аркестр, а ў 1990—2005 гадах Дэтройцкі сімфанічны аркестр. Быў таксама галоўным запрошаным дырыжорам Бірмінгемскага сімфанічнага аркестра (1981—1983) і інш. З 2005 г. галоўны дырыжор гаагскага Рэзідэнц-аркестра — аднаго з трох вядучых аркестраў Нідэрландаў. Рэгулярна выступае з Лонданскім сімфанічным аркестрам, амстэрдамскім Канцэртгебау, Аркестрам Парыжа і іншымі вядучымі калектывамі свету.

У 2010 годзе зноў узначаліў Эстонскі нацыянальны сімфанічны аркестр; праз некалькі месяцаў вырашыў пакінуць яго з-за рознагалоссяў з міністэрствам культуры, аднак вярнуўся да наступнага сезона і працягнуў працу з аркестрам.