Ніка (міфалогія)
Ніка (Ні́ке, стар.-грэч.: Νίκη) — у старажытнагрэчаскай міфалогіі[1] багіня перамогі, дачка тытана Паланта і Стыкс[2]. Па аркадскім паданні, дачка Палланта (сына Лікаона), выхоўвалася разам з Афінай[3].
| Ніка | |
|---|---|
| стар.-грэч.: Νίκη | |
 Статуя Нікі ў садзе палаца Альбрэхта фон Валенштэйна ў Жагані | |
| Багіня перамогі | |
| Міфалогія | Старажытнагрэчаская |
| Пол | жанчына |
| Бацька | Палант |
| Маці | Стыкс |
| Браты і сёстры | Кратас, Зел і Бія |
| У іншых культурах | Вікторыя |
 Медыяфайлы на Вікісховішчы | |
Саюзніца Зеўса ў яго барацьбе з тытанамі[4] і гігантамі; таму багі клянуцца вадой яе маці Стыкс[5].
Яна ж суправаджае Афіну Паладу, прадстаўніцу вышэйшай сусветнай усёпераможнай сілы. У рымскай міфалогіі ёй адпавядае багіня Вікторыя.
Як сімвал паспяховага выніку, шчаслівага зыходу, Ніка ўдзельнічае ва ўсіх ваенных прадпрыемствах, у гімнастычных і музычных спаборніцтвах, ва ўсіх рэлігійных урачыстасцях, якія здзяйсняюцца па выпадку поспеху. Яна заўсёды адлюстроўваецца крылатай або ў паставе хуткага руху над зямлёй; атрыбуты яе — павязка і вянок, пазней таксама пальма; далей — зброя і трафей. У скульптараў Ніка або ўдзельнічае на свяце пры ахвярапрынашэнні, або з'яўляецца звястункай перамогі, з атрыбутам Гермеса — кіем. Яна то ласкава ківае галавой пераможцу, то парыць над ім, увенчваючы яго галаву, то вядзе яго калясніцу, то заколвае ахвярную жывёлу, то складае з непрыяцельскай зброі трафей (на балюстрадзе храма Афіны Нікі ў Афінах). Статуя Нікі суправаджала статуі Зеўса Алімпійскага і Афіны Парфенас.
У Афінах знаходзіцца храм Нікі Аптэрас[6]. Яе адлюстроўвалі ў руцэ ў Зеўса[7] ці Афіны[8]. Ёй прысвечаны XXXIII арфічны гімн.
Ад імя багіні Нікі паходзіць назва вядомай амерыканскай кампаніі Nike[9] («Найкі»[10]).
Зноскі
- ↑ Мифы народов мира. М., 1991-92. В 2 т. Т.2. С.217; Любкер Ф. Реальный словарь классических древностей. М., 2001. В 3 т. Т.2. С.451
- ↑ Гесіёд. Тэагонія 384; Вакхілід. Эпіграма 2 Пейдж.
- ↑ Дзіянісій Галікарнаскі. Рымскія старажытнасці I 33, 1
- ↑ Псеўда-Апаладор. Міфалагічная бібліятэка I 2, 4
- ↑ Першы Ватыканскі міфаграф II 76, 2
- ↑ Аптэрас — «бяскрылая» — як знак таго, што перамога нікуды ад грэкаў не ўляціць (Паўсаній. Апісанне Элады I 22, 4).
- ↑ Паўсаній. Апісанне Элады I 1, 3
- ↑ Паўсаній. Апісанне Элады I 24, 7
- ↑ Nikebiz : Company Overview — Nike Facts Архівавана 2 верасня 2011. (англ.)
- ↑ How to pronounce Nike — inogolo.
Спасылкі
правіць
На Вікісховішчы ёсць медыяфайлы па тэме Ніка (міфалогія)
