Павел Уладзіміравіч Дзік

Па́вел Уладзі́міравіч Дзік (нар. 30 кастрычніка 1955, Ленінград) — беларускі дзяржаўны дзеяч, экс-міністр фінансаў Беларусі. Кандыдат эканамічных навук.

Павел Уладзіміравіч Дзік
Міністр фінансаў Рэспублікі Беларусь снежань 1994 — снежань 1997
Прэзідэнт	Аляксандр Лукашэнка
Папярэднік	Сцяпан Янчук
Пераемнік	Мікалай Корбут
Нараджэнне	30 кастрычніка 1955(1955-10-30) (67 гадоў) Ленінград, РСФСР, СССР
Адукацыя	Беларускі дзяржаўны інстытут народнай гаспадаркі імя В. У. Куйбышава (1977)
Навуковая ступень	кандыдат эканамічных навук
Дзейнасць	эканаміст
Месца працы	Беларускі дзяржаўны эканамічны ўніверсітэт

Біяграфія

Нарадзіўся 30 кастрычніка 1955 года ў г. Ленінградзе ў сям’і служачых. Кандыдат эканамічных навук.

Працоўную дзейнасць пачаў у 1977 г. у апараце Міністэрства фінансаў пасля заканчэння Беларускага дзяржаўнага інстытута народнай гаспадаркі.

З 1979 па 1981 служыў у шэрагах Савецкай Арміі.

Пасля заканчэння службы працаваў старэйшым рэвізорам кіравання дзяржрасходамі, галоўным спецыялістам, начальнікам аддзела, намеснікам начальніка ўпраўлення, а затым начальнікам упраўлення даходаў бюджэту.

У снежні 1994 г. прызначаны міністрам фінансаў Рэспублікі Беларусь.

У снежні 1997 вызвалены ад займаемай пасады ў сувязі з выхадам у адстаўку.

У 2004—2006 гг. працаваў дацэнтам кафедры бюджэту і фінансаў знешнеэканамічнай дзейнасці БДЭУ.

Спасылкі

• ДИК ПАВЕЛ ВЛАДИМИРОВИЧ(руск.) // Белорусский государственный экономический университет в биографиях преподавателей и выпускников. 75 лет (1933—2008). — Мн.: БГЭУ, 2008. — С. 247. — ISBN 978-985-484-515-9.
• Фінансавай сістэме Беларусі - 90 год (руск.)