Сцяпан Пятровіч Янчук
Сцяпа́н Пятровіч Янчу́к (нар. 28 мая 1944, в. Мінянка Кобрынскага раёна Брэсцкай вобласці, БССР) — беларускі дзяржаўны дзеяч, экс-міністр фінансаў Беларусі.
Сцяпан Пятровіч Янчук | |||||||
---|---|---|---|---|---|---|---|
|
|||||||
Кіраўнік урада | Вячаслаў Кебіч | ||||||
Пераемнік | Павел Дзік | ||||||
Нараджэнне |
28 мая 1944 (79 гадоў) |
||||||
Адукацыя | |||||||
Дзейнасць | эканаміст |
Біяграфія правіць
Нарадзіўся 28 мая 1944 года ў в. Мінянка Кобрынскага раёна Брэсцкай вобласці, беларус. Выхадзец са шматдзетнай сялянскай сям'і.
Працоўную дзейнасць пачаў у 1961 годзе ў Кобрынскам райфінаддзела пасля заканчэння Мінскага фінансава-эканамічнага тэхнікума.
З 1963 па 1966 і ў 1971 па 1973 — служыў у шэрагах Савецкай Арміі.
У 1975—1980 гадах працаваў загадчыкам фінансавага аддзела Пінскага гарвыканкама.
З чэрвеня 1980 па чэрвень 1985 узначальваў фінансавы аддзел Брэсцкага аблвыканкама.
У 1985 годзе прызначаны намеснікам міністра фінансаў БССР, у лютым 1987 — першым намеснікам міністра.
16 ліпеня 1990 года прызначаны міністрам фінансаў Беларускай ССР. На пасту міністра кіраваў працэсамі распрацоўкі нацыянальнай бюджэтнай палітыкі, стварэння нацыянальных падатковай і валютнай сістэмаў[1].
У 1994 годзе вызвалены ад займаемай пасады ў сувязі з выхадам у адстаўку.
Пасля адстаўкі амаль 10 год працаваў кіраўніком прадстаўніцтва АСБ «Беларусбанка» ў Варшаве, затым — памочнік Старшыні праўлення Беларусбанка па знешнеэканамічных пытаннях.
Зноскі
Спасылкі правіць
- Старонка на праекце «Прэс-дасье» Архівавана 4 сакавіка 2016. (руск.)
- Фінансавай сістэме Беларусі — 90 год (руск.)