Памылка (часопіс)
навукова-папулярны часопіс на беларускай мове
«Памылка» або «PAMYŁKA» — самвыдат навукова-папулярны часопіс на беларускай мове[1]. Першы нумар выйшаў у 2023 годзе ў Польшчы.
PAMYŁKA | |
---|---|
Тып | навукова-папулярны часопіс[d] і праект |
Заснавальнік | Святлана Волчак, Юры Адамаў, Паліна Лістапад, Настасся Кахан |
Краіна | |
Заснавана | 2023 |
Тэматыка | папулярызацыя навукі, дакладныя навукі і прыродазнаўчыя навукі |
Мова | Беларуская |
Перыядычнасць | 3-4 нумары на год |
Аб’ём | 60 старонак |
Вэб-сайт | instagram.com/pamylka.zi… |
Часопіс стварыла група энтузіястаў для папулярызацыі навуковых ведаў на беларускай мове[2]. Аўтарамі ідэі і першымі рэдактарамі часопіса сталі праграміст, фізік Юрый Адамаў і выкладчыца, папулярызатарка фізікі Святлана Волчак[3]. Праца над першым нумарам вялася з 2021 года.
Адметныя рысы правіць
- Першае цалкам беларускамоўнае навукова-папулярнае выданне[1].
- Інфармацыя з часопіса распаўсюджваецца пад свабоднымі ліцэнзіямі. Папяровы варыянт можна атрымаць за невялікае грашовае ахвяраванне, лічбавы варыянт часопіса (у фармаце PDF) можна атрымаць бясплатна, праз запыт на афіцыйную электронную пошту рэдакцыі часопіса.
- Праз месяц пасля рэлізу нумара на GitHub для вольнага спампоўвання выкладаюцца ўсе файлы. Ёсць тэчка з інтэрактыўнай PDF-версіяй і ёсць тэчка з раскладкай файлаў для друку. То бок, кожны можа самастойна раздрукаваць сабе зін.
Вокладкі правіць
-
Першы нумар PAMYŁKA ZIN#1
-
Другі нумар PAMYŁKA ZIN#2
-
Трэці нумар PAMYŁKA ZIN#3
-
Чацвёрты нумар PAMYŁKA ZIN#4
Зноскі правіць
- ↑ а б «Пісаў палітвязьням, апісваў фізычныя зьявы». Расказваем, як зьявіўся першы навукова-папулярны часопіс на беларускай мове . Радыё «Свабода» (2 красавіка 2023). Архівавана з першакрыніцы 3 красавіка 2023.
- ↑ Прарыўны праект: выйшаў у свет першы нумар навукова-папулярнага часопіса па-беларуску . Наша ніва (19 сакавіка 2023). Архівавана з першакрыніцы 11 красавіка 2023.
- ↑ Рэдактарка зіна PAMYŁKA: Трэба было дзесяць год валанцёрыць, каб пабачыць квантавы скачок у грамадстве . baj.by (3 красавіка 2023). Архівавана з першакрыніцы 5 красавіка 2023.