Парламенцкія выбары ў Беларусі (1947)
Выбары ў Вярхоўны Савет Беларускай ССР другога склікання адбыліся 9 лютага 1947 года на тэрыторыі БССР. Праходзілі па аднамандатных акругах па мажарытарнай выбарчай сістэме. Усяго былі абраны 371 дэпутат.
| 9 лютага 1947 | |||
|---|---|---|---|
| Яўка: | 99,97 % | ||
| Партыя: | Сталінскі блок камуністаў і беспартыйных | ||
| Месцаў атрымана: | 371 | ||
| Галасоў: | 4 414 607 (99,57 %) |
||
.svg){kind=small}
Перадгісторыя
правіцьУ лістападзе 1946 года Прэзідыум Вярхоўнага Савета БССР прызначыў дату першых пасляваенных выбараў на 9 лютага 1947 года і зацвердзіў новае Палажэнне аб выбарах. Узроставы цэнз быў павышаны да 21 года[1]. У спіс для галасавання ўключаўся толькі адзін кандыдат.
Вынікі
правіцьУ выбарах у Вярхоўны Савет БССР прынялі ўдзел 4 436 096 (99,97 %) зарэгістраваных выбаршчыкаў. За кандыдатаў блока камуністаў і беспартыйных галасавала 99,57 % выбаршчыкаў, якія ўдзельнічалі ў выбарах. У склад дэпутатаў Вярхоўнага Савета БССР другога склікання былі абраныя 371 дэпутаты: 128 працоўных (34,5 %), 122 сяляніна (32,9 %). 285 дэпутатаў былі членамі КП(б) Б. Сярод дэпутатаў былі 257 беларусаў, 84 рускіх, 15 украінцаў і 15 прадстаўнікоў іншых нацыянальнасцей. 26,6 % дэпутатаў (98 чалавек) складалі жанчыны[2].