Патрыстычны інстытут «Аўгустыніянум»
Патрыстычны інстытут «Аўгустыніянум» (лац.: Institutum Patristicum Augustinianum) — каталіцкая вышэйшая навучальная ўстанова з сядзібай у Рыме, якая кіруецца Святым Прастолам.
Патрыстычны інстытут «Аўгустыніянум» | |
---|---|
лац.: Institutum Patristicum Augustinianum | |
Арыгінальная назва | лац.: Institutum Patristicum Augustinianum |
Заснаваны | 1969 |
Краіна | |
Размяшчэнне | Рым |
Сайт | patristicum.org |
Агульная характарыстыка
правіцьІнстытут асацыяваны з Папскім Латэранскім універсітэтам і спецыялізуецца на вывучэнні айцоў Касцёла, у прыватнасці, на вывучэнні спадчыны Аўгусціна Аўрэлія. Гэта адзіная ВНУ ў свеце, якая прысвойвае ступень доктара ў галіне патрыстыкі.
ВНУ мае адну з найлепшых бібліятэк у гэтай галіне. Кнігазбор складае каля 60 тысяч тамоў і 500 назваў часопісаў. Выдаецца часопіс «Аўгустыніянум» і серыя «Studia Ephemeridis Augustinianum». З 2008 года супрацоўнічае з Рымскім універсітэтам «Ла Сапіенца».
«Аўгустыніянум» лічыцца прамым спадкаемцам вучэльні «Studium Generale», якая дзейнічала ў Рыме ў XIV стагоддзі і належала ордэну манахаў-аўгусцінцаў. Ён быў заснаваны аўгусцінцамі і ў іх гонар захаваў імя святога Аўгусціна. У лістападзе 1989 года інстытут быў афіцыйна падпарадкаваны Кангрэгацыі каталіцкай адукацыі. Цяперашнім прэзідэнтам з’яўляецца Джузэпэ Каруза.
Крыніцы
правіцьСпасылкі
правіць- На Вікісховішчы пакуль няма медыяфайлаў па тэме, але Вы можаце загрузіць іх
- Афіцыйная інтэрнэт-старонка ўстановы