Пашынскае агаленне старажытных рачных адкладаў

Пашынскае агаленне старажытных рачных адкладаў — геалагічны помнік прыроды рэспубліканскага значэння. Размешчана за 150 м на паўночны ўсход ад в. Пашына Аршанскага раёна Віцебскай вобласці, на левым беразе р. Дняпро. Уключае адклады позналедавікоўя паазерскага зледзянення (пяскі, жвір, галька); з'яўляецца апорным разрэзам. Ва ўступе надпоймавай тэрасы ўскрываюцца адклады, багатыя выкапнёвымі рэшткамі жывёл — косці і зубы млекакормячых (15 відаў), ракавіны малюскаў (больш за 30 відаў), якія існавалі каля 15—10 тыс. гадоў назад, калі кліматычныя ўмовы дасягнулі найбольшай суровасці і пашырылася тундравая зона. Ахоўны статус нададзены ў 1995 годзе.

Літаратура

• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).