Паўднёва-Каралінскі медыцынскі ўніверсітэт

Паўднёва-Каралінскі медыцынскі ўніверсітэт (англ.: Medical University of South Carolina) — амерыканская дзяржаўная спецыялізаваная вышэйшая навучальная ўстанова, якая месціцца ў горадзе Чарлстан, штат Паўднёвая Караліна.

Паўднёва-Каралінскі медыцынскі ўніверсітэт
англ.: Medical University of South Carolina
Арыгінальная назва	англ.: Medical University of South Carolina
Заснаваны	1824
Студэнты	3 083
Размяшчэнне	Чарлстан, Паўднёвая Караліна, ЗША
Сайт	web.musc.edu
Медыяфайлы на Вікісховішчы

Агульная характарыстыка

Унімверсітэт быў адкрыты ў 1824 годзе як невялікі прыватны каледж, прызначаны для падрыхтоўкі лекараў, і з тых часоў заснаваў бальніцы і медыцынскія ўстановы па ўсім штаце. Гэта адна з найстарэйшых пастаянна дзеючых школ медыцыны ў Злучаных Штатах і найстарэйшая на Поўдні.

Вучэльня пашырылася ў дзяржаўны універсітэт з медыцынскім цэнтрам і шасцю каледжамі для падрыхтоўкі спецыялістаў у галіне аховы здароўя, біямедыцынскіх навукоўцаў і іншага персаналу сферы аховы здароўя. Яна таксама працуе як даследчы цэнтр і мае ўласную агульнадаступную бальніцу.

Структура

Універсітэт складаецца з дэпартаментаў: анестэзіі і перыаперацыйнай медыцыны, біяхіміі і малекулярнай біялогіі, біястатыстыкі і эпідэміялогіі, клетачнай і малекулярнай фармакалогіі і эксперыментальнай тэрапіі, параўнальнай медыцыны, дэрматалогіі, сямейнай медыцыны, медыцыны, мікрабіялогіі і імуналогіі, неўралогіі, акушэрства і гінекалогіі, афтальмалогіі, артапедычнай хірургіі, оталарынгалогіі, хірургіі галавы і шыі, паталогій і лабараторнай медыцыны, педыятрыі, псіхіятрыі і паводніцкіх навук, радыяцыйнай анкалогіі, радыялогіі, хірургіі, рэгенератыўнай медыцыны і клеткавай біялогіі, а таксама ўралогіі.

Гл. таксама

• Спіс універсітэтаў штата Паўднёвая Караліна

Спасылкі

• На Вікісховішчы ёсць медыяфайлы па тэме Паўднёва-Каралінскі медыцынскі ўніверсітэт
• Афіцыйная інтэрнэт-старонка ўстановы