Перамяшчэнне

Перамяшчэ́нне — вектар, што злучае пачатковы і канцавы пункты, праз якія рушыла цела (матэрыяльны пункт) на працягу дадзенага часу. Любы адрэзак, што злучае якія-небудзь пункты траекторыі руху матэрыяльнага пункта, прадстаўляе яго перамяшчэнне на некаторым адрэзку часу.

Перамяшчэнне
ISQ dimension	${\mathsf {L}}$
Сімвал велічыні (LaTeX)	$\Delta {\boldsymbol {r}}$
Рэкамендаваная адзінка вымярэння	метр
Медыяфайлы на Вікісховішчы

Перамяшчэнне можна таксама вызначыць як змяненне радыус-вектара. Калі ў момант $t_{1}$ матэрыяльны пункт займаў пазіцыю, якая характарызуецца радыус-вектарам $\mathbf {r} _{1}$, а ў момант $t_{2}$ — радыус-вектарам $\mathbf {r} _{2}$, то рознасць $\Delta r=\mathbf {r} _{2}-\mathbf {r} _{1}$ і складзе перамяшчэнне матэрыяльнага пункта на адрэзку часу $[t_{1};t_{2}]$.

Велічыня перамяшчэння заўсёды меншая ці, прынамсі, не большая, за шлях матэрыяльнага пункта на гэтым жа адрэзку часу. Роўнасць велічыні перамяшчэння і пуці дасягаецца пры руху па прамой у адным кірунку.

Перамяшчэнне характарызуе рух матэрыяльнай кропкі, не зважаючы на ягоную інтэнсіўнасць. Велічыня, якая характарызуе інтэнсіўнасць руху і ўяўляе сабой перамяшчэнне, аднесенае да адзінкі часу, называецца хуткасцю.

Пры вядомай хуткасці перамяшчэнне матэрыяльнай кропкі можна знайсці шляхам інтэгравання па часе:

$\Delta \mathbf {r} =\int \limits _{t_{1}}^{t_{2}}\mathbf {v} dt$

Гл. таксама

• Паступальны рух