Подгаць

По́дгаць (трансліт.: Podhać, руск.: Подгать) — вёска ў Акцябрскім раёне Гомельскай вобласці. Уваходзіць у склад Ламавіцкага сельсавета.

Вёска Подгаць Краіна Беларусь Вобласць Гомельская Раён Акцябрскі Сельсавет Ламавіцкі Каардынаты 52°29′37″ пн. ш. 28°53′21″ у. д. Першая згадка XIX стагоддзе Колькасць двароў 1 Насельніцтва 2 чалавек (2011) Часавы пояс UTC+3 Тэлефонны код +375-2357 Паштовы індэкс 247302 Аўтамабільны код 3 Подгаць на карце Беларусі ±

Геаграфія

Размяшчэнне

За 20 км на поўдзень ад гарадскога пасёлка Акцябрскі, за 225 км ад Гомеля, за 15 км ад чыгуначнай станцыі Рабкор, размешчанай на чыгунцы Бабруйск — Рабкор, адгалінаванні лініі Асіповічы — Жлобін.

Гідраграфія

На поўначы меліярацыйны канал.

Экалогія і прырода

Вакол вёскі лес.

Транспартная сетка

Транспартныя сувязі па прасёлкавай, затым аўтамабільнай дарозе Акцябрскі — Азарычы.

Інфармацыя

Планіроўка складаецца з кароткай шыротнай вуліцы. Жылыя хаты драўляныя, сядзібнага тыпу. Аўталаўка.

Гісторыя

Па пісьмовых крыніцах вядомая з XIX стагоддзя як хутар у Рудабельскай воласці Бабруйскага павета Мінскай губерні. На 1925 год у Граб'ёўскім сельсавеце Азарыцкага раёна Мазырскай акругі. У 1930 годзе арганізаваны калгас. Падчас Вялікай Айчыннай вайны нямецкія акупанты ў красавіку 1942 года цалкам спалілі вёску і забілі 28 жыхароў. 10 жыхароў загінулі на фронце.

Насельніцтва

Колькасць

• 2011 год — 1 двор, 2 жыхары.

Дынаміка

• 1897 год — 8 двароў, 66 жыхароў (паводле перапісу).
• 1908 год — 14 двароў, 83 жыхары.
• 1917 год — 123 жыхары.
• 1925 год — 24 двары.
• 1940 год — 38 двароў, 142 жыхары.
• 1959 год — 96 жыхароў (паводле перапісу).
• 1997 год — 8 двароў, 13 жыхароў.
• 2004 год — 5 двароў, 7 жыхароў.

Вядомыя ўраджэнцы

• Уладзімір Правасуд — беларускі гумарыст і сатырык, журналіст.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0
• Памяць: Гіст.-дакум. хроніка Акцябрскага р-на. — Мн.: БЕЛТА, 1997. — 478 с. ISBN 985-6302-03-X

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх