Польская чыгунка

Польская чыгунка, афіцыйна Акцыянернае таварыства «Польская дзяржаўная чыгунка» (польск.: Polskie Koleje Państwowe S.A.), скарочана АТ «ПКП» (польск.: PKP S.A.) — польскае дзяржаўнае акцыянернае таварыства, асноўнай сферай дзейнасці якога з’яўляюцца перавозкі чыгуначным транспартам.

Польская чыгунка
польск.: Polskie Koleje Państwowe SA
Тып	Акцыянернае таварыства
Заснаванне	24 верасня 1926
Заснавальнікі	польская дзяржава ў асобе Рады міністраў Польшчы
Размяшчэнне	02-305, Польшча, Варшава, Іерусалімскія алеі, 142а
Галіна	чыгуначны транспарт
Прадукцыя	чыгуначны транспарт
Абарот	9,68 млрд zł (2009)
Колькасць супрацоўнікаў	2 250
Даччыныя кампаніі	PKP CARGO S.A.[d], PKP INTERCITY S.A.[d], Kolejowa Oficyna Wydawnicza[d], PKP Linia Hutnicza Szerokotorowa[d], Хуткая гарадская чыгунка ў Труймясце, Polskie Koleje Linowe[d], PKP POLSKIE LINIE KOLEJOWE S.A.[d], PGE Energetyka Kolejowa[d], TK Telekom[d], PKP Informatyka[d], Natura Tour[d], CS Szkolenie i Doradztwo[d] і Q124604907?
Сайт	pkpsa.pl

Агульная характарыстыка

Адзіным акцыянерам таварыства з'яўляецца Дзяржказначэйства, правы якога па акцыях ажыццяўляе Міністэрства дзяржаўных актываў. ПКП ажыццяўляе нагляд уласнасці за іншымі дачыннымі кампаніямі групы ПКП.

ПКП з'яўляецца адным з буйнейшых уладальнікаў нерухомасці ў Польшчы. Сярод іншых рэсурсаў кампаніі каля 100 тыс га зямлі і 57 тыс. будынкаў. Яго актывамі з'яўляюцца аб'екты, якія выконваюць функцыі, звязаныя з транспартным і пасажырскім абслугоўваннем (чыгуначныя вакзалы), а таксама выключна камерцыйная нерухомасць (у тым ліку гандлёвыя цэнтры).

Працягласць чыгунак у краіне складае 26 644 км, у тым ліку 24 287 км са стандартнай еўрапейскай каляінай 1435 мм і 2 357 км з каляінамі шырынёй 1520, 1000, 785, 750 і 600 мм. З агульнай працягласці дарог электрыфікавана 11 627 км. Пераважна электрыфікацыя праведзена на пастаянным току 3 кВ.

Асноўныя станцыі і вузлы: Варшава, Ольштын, Катавіцы, Уроцлаў, Гданьск, Кракаў, Люблін.

Паміж Польшчай і Швецыяй дзейнічае чыгуначная паромная пераправа праз Балтыйскае мора.

Гісторыя

• 1919–1926 — Міністэрства чыгунак непасрэдна кіравала чыгуначнай інфраструктурай
• 1926–1939 — польская чыгунка кіравалася Міністэрствам камунікацый
• 1926 — стварэнне дзяржаўнага прадпрыемства, функцыю начальніка якога выконваў міністр камунікацый
• 1945–1948 — Міністэрства камунікацый непасрэдна кіравала чыгуначнай інфраструктурай
• 1948–1951 — у межах Міністэрства камунікацый дзейнічае Галоўная дырэкцыя ПКП
• 1949 — прадпрыемства «Польская дзяржаўная чыгунка» атрымлівае ўласны статут
• 1951–1957 — Міністэрства чыгунак непасрэдна кіравала дзейнасцю ПКП
• 1957–1978 — Міністэрства камунікацый непасрэдна кіравала дзейнасцю ПКП
• 1978 — стварэнне Генеральнай дырэкцыі ПКП у складзе Міністэрства камунікацый, міністр камунікацыі быў генеральным дырэктарам ПКП
• 1987 — вылучэнне прадпрыемства ПКП са складу Міністэрства камунікацый
• 1987–2000 — функцыянаванне Генеральнай дырэкцыі ПКП

Рухомы склад

• 
  Самы хуткі польскі электравоз Х стагоддзя, EP09 1986 г.
• 
  Самы папулярны універсальны электравоз у Польшчы ЕС07
• 
  Пасажырскі цягнік з электравозам Siemens Taurus EU44 Husarz
• 
  Хуткасны пасажырскі цягнік Pendolino на станцыі Уроцлаў-Галоўны