Помнік Напалеону Орду
Помнік Напалеону Орду — помнік у цэнтры горада Іванава Брэсцкай вобласці, размешчаны па Савецкай вуліцы, каля Дома культуры. Прысвечаны мастаку, кампазітару, піяністу і педагогу Напалеону Орду, які нарадзіўся недалёка ад горада. Устаноўлены ў 1997 годзе, ажно праз чатыры гады пасля стварэння[1]. Аўтары помніка — скульптар Ігар Голубеў і архітэктар Вячаслаў Касяк.
| Помнік | |
| Помнік Напалеону Орду | |
|---|---|
 | |
| 52°08′46″ пн. ш. 25°31′59″ у. д.HGЯO | |
| Краіна | |
| Горад | |
| Скульптар | Ігар Голубеў |
| Архітэктар | Вячаслаў Касяк |
| Дата пабудовы | 1997 год |
| Матэрыял | бронза, граніт |
 |
|
Калі помнік ужо стаяў і чакаў афіцыйнага адкрыцця, яго сапсавалі вандалы, адрэзаўшы руку. Скульптары аператыўна адрамантавалі помнік[1]. 1 ліпеня 2019 года на Брэсцкую вобласць абрынуўся магутны ўраган, у час яго помнік ізноў пазбавіўся рукі[2].