Псалом 1

Псалом 1 распачынае Псалтыр, з’яўляецца своеасаблівым уступам да гэтай кнігі Бібліі. Аўтарства прыпісваецца Давіду.

Псалом 1
Аўтар	Давід
Жанр	Свяшчэннае Пісанне
Мова арыгінала	старажытнаяўрэйская
Серыя	Біблія / Стары Запавет / Псалтыр
Наступная	Псалом 2

Першым псалмом распачынаецца першая кафізма, якая ўключае ў сябе псалмы з 1 па 8.

Багаслоўскае значэнне

У першым псалме адлюстроўваецца блажэнны стан праведніка, супрацьпастаўлены згубнаму стану бязбожных, — у гэтым і заключаецца, на думку святых айцоў, прычына таго, што гэты псалом змешчаны першым. Увесь тэкст псалма — гэта супрацьпастаўленне двух шляхоў: праведнік — «быццам дрэва, над плынямі водаў пасаджанае», бязбожны — «быццам пыл, ветрам падняты»; «дарогу праведных ведае Гасподзь, а дарога бязбожнікаў прападзе». Першы псалом паслужыў першаасновай цэлага пласта раннехрысціянскай літаратуры, якая завецца ў гістарыяграфіі літаратурай «двух шляхоў». Тэму «двух шляхоў» можна прасачыць і ў самой Бібліі:

• Вось, я сёння прапанаваў табе жыццё і дабро, смерць і зло. (Друг. 30:15)
• І народу гэтаму скажы: так кажа Гасподзь: вось, Я прапаную вам шлях жыцця і шлях смерці (Ер. 21:8)
• дарогу праведных ведае Гасподзь, а дарога бязбожнікаў прападзе (Пс. 1:6)

Спасылкі

• 1 псальма - Пераклад Васіля Сёмухі
• Кніга псальмаў у перакладзе Лукаша Дзекуць-Малея і Антона Луцкевіча
• Псалом 1 у перакладзе Яна Станкевіча і Майсея Гітліна
• Катызма 1 (Псалмы 1-8) Архівавана 26 красавіка 2022. у перакладзе Аляксандра Надсана
• Кніга Псальмаў. Псальмы 1-8 Архівавана 23 верасня 2021. (пераклад Язэпа Германовіча)
• Георгі Станкевіч — Псалтыр (Пс. 1, 2, 3, 4, 5, 6, 7, 8, 11, 22, 50, 62, 83, 136) Архівавана 15 мая 2022.
• Кафісма 1 у перакладзе Міхаіла Астапчыка
• На Вікісховішчы ёсць медыяфайлы па тэме Псалом 1

Гл. таксама

• Псалмы
• Псалтыр