Пэршатравэнск (Днепрапятроўская вобласць)

Пэршатравэнск (укр.: Першотра́венськ) — горад у Днепрапятроўскай вобласці Украіны.

Горад Пэршатравэнск укр.: Першотравенськ Герб Сцяг Краіна Украіна Вобласць Днепрапятроўская вобласць Каардынаты 48°20′51″ пн. ш. 36°24′06″ у. д. Заснаваны 1954 Першая згадка 1954 Ранейшыя назвы Шахтарскэ (да 1960 г.) Горад з 1966 Плошча 3,9 км² Вышыня цэнтра 132 ± 1 м Насельніцтва 29000 чалавек (2015) Часавы пояс UTC+2, летам UTC+3 Тэлефонны код +380-5633 Паштовы індэкс 52800 КААТУУ 1212600000 Афіцыйны сайт pershrada.gov.ua Пэршатравэнск на карце Украіны ±

Медыяфайлы на Вікісховішчы

Гісторыя

Пэршатравэнск з'яўляецца адным з самых маладых гарадоў краю. Яго гісторыя непарыўна звязана з развіццём вугальнай прамысловасці ў Заходнім Данбасе. Адначасова з закладкай першых шахт будаваўся і рабочы пасёлак. Першы камень пад будаўніцтва шахцёрскага пасёлка быў закладзены 25 мая 1954 г. У 1956 г. увялі ў эксплуатацыю больш за 30 аднапавярховых жылых дамоў і пачала працаваць школа, у якой навучалася 7 вучняў. Ужо ў 1957 г. была здадзена першая чарга электрападстанцыі, з'явіліся сталовая, крамы, клуб. 16 жніўня 1957 г. новы пасёлак атрымаў назву Шахтарскэ і быў аднесены да катэгорыі рабочых пасёлкаў з падначаленнем Мікалаеўскаму сельскаму савету Петрапаўлаўскага раёна. У 1958 г. была адкрыта бальніца на 25 месцаў. У 1959 г. адбыўся перапіс насельніцтва, паводле якога ў пасёлку пражывала 5100 жыхароў. У 1960 г. рабочы пасёлак быў аднесены да катэгорыі пасёлкаў гарадскога тыпу, ён быў перайменаваны ў Пэршатравнэвэ, выведзены са складу Мікалаеўскага сельскага савета, тут быў утвораны Першамайскі пасялковы савет. 25 люты 1966 г. Указам Прэзідыума Вярхоўнага Савета УССР пасёлак Пэршатравнэвэ атрымаў статус горада раённага падпарадкавання і быў перайменаваны ў Пэршатравэнск. У гэтым жа годзе горад быў падпарадкаваны Паўлаградскаму гарадскому савету.