Пётр Захаравіч Савачкін

Пётр Захаравіч Савачкін (11 чэрвеня 1911, в. Родзіна, Лёзненскі раён, Віцебская вобласць — 13 лістапада 1975) — беларускі гісторык, дэкан гістарычнага факультэта БДУ (1955—1973).

Пётр Захаравіч Савачкін
Дата нараджэння	24 чэрвеня (7 ліпеня) 1911
Месца нараджэння	Лёзненскі раён, Беларусь
Дата смерці	11 лістапада 1975(1975-11-11) (64 гады)
Грамадзянства	Беларусь
Род дзейнасці	настаўнік, выкладчык, гісторык
Месца працы	БДУ
Навуковая ступень	кандыдат гістарычных навук (1953)
Альма-матар	гістарычны факультэт БДУ
Узнагароды і прэміі

Біяграфія

Скончыў Віцебскае педагагічнае вучылішча (1931), працаваў настаўнікам. У 1935 паступіў на гістарычны факультэт БДУ, які скончыў у 1940 з адзнакай. У 1940—1946 служыў у Чырвонай Арміі, з 22.6.1941 па май 1945 у дзеючай арміі на розных франтах. Служыў у разведцы.

У 1946 дэмабілізаваны, паступіў у аспірантуру БДУ па кафедры гісторыі СССР, дзе вучыўся да 1949 г. У 1949—1955 працаваў старшым выкладчыкам кафедры гісторыі СССР, у 1953 абараніў кандыдацкую дысертацыю. У 1950—1955 працаваў загадчыкам кафедры, намеснікам дырэктара па вучэбнай і навуковай рабоце Мінскай школы прафруху ВЦСПС, сумяшчаючы з выкладчыцкай працай у БДУ. У 1955 быў прызначаны дэканам гістарычнага факультэта БДУ, неаднаразова перавыбіраўся на гэту пасаду. Адначасова з’яўляўся загадчыкам кафедры гісторыі СССР. Пакінуў пасаду дэкана 1 мая 1973 г.

Навуковая дзейнасць

Кірункі навуковай дзейнасці: устанаўленне савецкай улады ў заходнім абласцях Беларусі.

Сям’я

Быў жанаты, меў трох дачок: Наталлю, Алену і Ірыну.

Узнагароды

• Ордэн Чырвонай Зоркі
• Ордэн Айчыннай вайны I ступені
• Ордэн Айчыннай вайны II ступені
• 5 медалёў
• Ганаровая грамата ВС БССР «у сувязі з 60-годдзем за вялікую навукова-педагагічную і выхаваўчую працу»

Літаратура

• Савачкін Пётр Захаравіч // Галерея «Деканы факультета» / Исторический факультет БГУ — Официальная страница. Эл.ресурс hist.bsu.by
• Арлоў У. Полацкі вецер. Спроба раньніх мемуараў // Дзеяслоў. № 1-2 (20-21).