Расійскі нацыянальны даследчы медыцынскі ўніверсітэт імя М. І. Пірагова

Расійскі нацыянальны даследчы медыцынскі ўніверсітэт імя М. І. Пірагова — расійскі нацыянальны даследчы ўніверсітэт у горадзе Масква.

Расійскі нацыянальны даследчы медыцынскі ўніверсітэт імя М. І. Пірагова (РНДМУ)
Міжнародная назва	Pirogov Russian National Research Medical University
Заснаваны	1906
Тып	дзяржаўны універсітэт
Студэнты	9 000
Краіна	Расія
Размяшчэнне	Расія: Масква
Узнагароды
Сайт	rsmu.ru
Медыяфайлы на Вікісховішчы

Гісторыя

Гісторыя ўніверсітэта пачынаецца з 1906 года. Тады на Маскоўскіх вышэйшых жаночых курсах быў створаны медыцынскі факультэт. Затым курсы пераўтварылі ў Другі Маскоўскі дзяржаўны універсітэт, з якога ў 1930 годзе вылучыўся самастойны Другі Маскоўскі дзяржаўны медыцынскі інстытут, які з 1946 па 1956 год насіў імя Іосіфа Вісарыёнавіча Сталіна. У 1956 годзе ВНУ атрымаў імя выбітнага рускага хірурга Мікалая Іванавіча Пірагова. 28 лістапада 1966 года ўказам Прэзідыума Вярхоўнага Савета СССР інстытут у сувязі з 60-годдзем быў узнагароджаны ордэнам Леніна. Пасля чаго ВНУ стаў вядомы як Другі Маскоўскі ордэна Леніна дзяржаўны медыцынскі інстытут імя Пірагова.

5 лістапада 1991 года распараджэннем Савета Міністраў РСФСР інстытут быў ператвораны ў Расійскі дзяржаўны медыцынскі універсітэт.

У 2010 годзе, у год 200-годдзя з дня нараджэння Пірагова, яго імя было адноўлена ў назве ВНУ. У той жа год ВНУ атрымаў статус нацыянальнага даследчага ўніверсітэта.

Склад універсітэта

У сваім складзе РНДМУ імя М. І. Пірагова мае 8 факультэтаў:

• Лячэбны факультэт
• Педыятрычны факультэт
• Медыка-біялагічны факультэт
• Міжнародны факультэт
• Псіхолага-сацыяльны факультэт
• Стаматалагічны факультэт
• Факультэт падрыхтоўкі кадраў вышэйшай кваліфікацыі
• Факультэт дадатковай прафесійнай адукацыі

Спасылкі

• Афіцыйны сайт РНДМУ