Роза Блюмкін

Роза Блюмкін (англ.: Rose Blumkin, вымаўленне ў англійскай Роўз Бламкін, народжаная Гарэлік; 3 (15) снежня 1893, Шчадрын — 7 жніўня 1998, Омаха) — амерыканская прадпрымальніца.

Роза Блюмкін
Імя пры нараджэнні англ.: Rose Gorelick
Род дзейнасці бізнесмен
Дата нараджэння 3 (15) снежня 1893
Месца нараджэння
Дата смерці 9 жніўня 1998(1998-08-09) (104 гады) ці 7 жніўня 1998(1998-08-07)[1] (104 гады)
Месца смерці
Грамадзянства

Дачка рабіна Саламона Гарэліка[2]. Вырасла ў вельмі беднай сям’і, з шасцігадовага ўзросту дапамагала сваёй маці Хасі Гарэлік, якая трымала прадуктовую краму. У 13 гадоў пакінула дом і ўладкавалася прадаўшчыцай у краму тканін у Гомель, з 16 гадоў заняла пасаду прыказчыцы. Ва ўзросце 20 гадоў выйшла замуж за Іцыка (Ізадора) Блюмкіна (1871—1950), які годам пазней, каб пазбегнуць прызыву на ваенную службу ў сувязі з пачаткам Першай сусветнай вайны, эміграваў у ЗША. Роза Блюмкін сабрала грошы, каб далучыцца да мужа, толькі праз тры гады.

У 1919 годзе муж і жонка ўладкаваліся ў Омасе, дзе Ізадор Блюмкін адкрыў краму ўжыванага адзення. На мяжы 1920-1930-х гадоў справа паступова перайшла пад кантроль яго жонкі, якая ў выніку ў 1937 годзе заснавала мэблевы магазін Nebraska Furniture Mart(англ.) бел., які стаў з часам найбуйнейшай мэблевай крамай у ЗША. У 1983 годзе Блюмкін прадала свой бізнес холдынгу Berkshire Hathaway(руск.) бел. за 45 мільёнаў долараў, замацаваўшы дагавор асабістым поціскам рукі з Уорэнам Бафетам і захаваўшы кіраванне ў сваіх руках. У 1989 годзе, на фоне рэзкіх рознагалоссяў са сваімі ўнукамі ў пытаннях кіравання фірмай, пайшла ў адстаўку і заснавала на той жа вуліцы ў Омасе канкуруючае прадпрыемства — краму мэблі і дываноў Mrs. B’s Clearance and Factory Outlet, за два гады вывеўшы яго да прыбытковай дзейнасці; у 1992 годзе Бафет быў вымушаны набыць і гэтую краму, заплаціўшы Блюмкін яшчэ 5 мільёнаў долараў. Блюмкін працягвала займацца гандлем дыванамі да 103-гадовага ўзросту. Акрамя таго, у 1981 годзе яна набыла і адрамантавала гарадскі тэатр — цяпер Цэнтр выканаўчага мастацтва Розы Блюмкін(англ.) бел..

У 1984 годзе Роза Блюмкін атрымала ступень ганаровага доктара Нью-Ёркскага ўніверсітэта.

Зноскі

  1. Library of Congress AuthoritiesLibrary of Congress. Праверана 3 сакавіка 2020.
  2. [www.geni.com/people/Isadore-Blumkin/6000000020116979122 Генеалогия семьи Блюмкин]

СпасылкіПравіць