Рускае Адзінства

Рускае Адзінства (руск.: Русское Единство) — палітычная партыя і аднайменны агульнакрымскі грамадска-палітычны рух, заснаваны ў 2008 годзе[5]. У перыяд крымскага крызісу лідар партыі Сяргей Аксёнаў адыграў важную ролю ў анексіі Крыма Расійскай Федэрацыяй, за што дзейнасць партыі была забаронена ўладамі Украіны ў 2014 годзе[6].

Рускае адзінства
руск.: Русское Единство
Russian Unity logo.png
Лідар Сяргей Аксёнаў
Дата заснавання 2008
Дата роспуску 2014[1]
Штаб-кватэра Крым, Сімферопаль, пр-т Кірава, д. 27
Ідэалогія русафільства, ірэдэнтызм
Саюзнікі і блокі

Супрацоўніцтва:

Міжнароднае супрацоўніцтва:

Маладзёжная арганізацыя Маладыя за Рускае Адзінства
Сайт russ-edin.org
Commons-logo.svg Рускае адзінства на Вікісховішчы

ГісторыяПравіць

Партыя была заснавана ў 2008 годзе пад назвай «Авангард»[5]. Лідарам партыі быў Максім Каваленка. Са жніўня 2010 года партыя пачала называцца «Рускае адзінства»[7], а ўзначаліў яе Сяргей Валер’евіч Аксёнаў[7]. На выбарах у Вярхоўны Савет Крыма ў 2010 годзе партыя набрала 4,02 % галасоў, заняўшы пятае месца. У выніку «Рускае адзінства» атрымала 3 мандаты са 100[8].

Прадстаўнік партыі Канстанцін Рубаненка быў абраны гарадскім кіраўніком Бахчысарая[9]. Тры месцы атрымала партыя ў Сімферопальскім гарадскім савеце[10].

На ўсеўкраінскіх парламенцкіх выбарах 2012 партыя выстаўляла кандыдатаў у чатырох выбарчых акругах[11], але ніводны не атрымаў перамогу[12].

27 лютага 2014 года лідар «Рускага адзінства» Сяргей Валер’евіч Аксёнаў па рашэнні Вярхоўнага Савета Крыма ўзначаліў урад Аўтаномнай Рэспублікі Крым[13] і пасля сыграў важную ролю ў падзеях, якія прывялі да анексіі Крыма Расіяй.

30 красавіка 2014 года рашэннем акруговага адміністрацыйнага суда Кіева дзейнасць партыі была забаронена ва Украіне[11], у сувязі з чым партыя самараспусцілася. 4 верасня 2014 года Кіеўскі акруговы апеляцыйны адміністрацыйны суд адхіліў апеляцыю партыі «Рускае адзінства» і пакінуў у сіле рашэнне суда першай інстанцыі аб забароне яе дзейнасці[14].

Зноскі

  1. Забароненая судом партыя крымскага прэм’ера вырашыла самараспусціцца
  2. Новы раскол у «Рускім адзінстве»: супрацоўніцтва з партыяй разарвалі казакі Крыма // «Новы Дзень», 3 мая 2011
  3. «Радзіма» і «Рускае Адзінства» падпісалі пагадненне аб супрацоўніцтве (ФОТА) // «Крым.Каментары», 4 лютага 2014
  4. Партыя прэм’ера Крыма заключыла дагавор з «Рускім саюзам Латвіі» — REGNUM, 15 жніўня 2014
  5. 5,0 5,1 Політична партія «Руська Єдність», Database DATA
  6. Пастанова Акруговага адміністрацыйнага суда горада Кіева ад 2014/04/30 № 38.550.801 Архівавана 2 красавіка 2015. (укр.) 
  7. 7,0 7,1 Партія «Авангард» змінила назву та лідера організації, ОГО, 2010/09/17.
  8. Вынікі выбараў у Вярхоўны Савет Крыма // Украінская праўда: газета — 8 лістапада 2010.
  9. Прадстаўнік «Рускага адзінства», які перамог на выбарах мэра Бахчысарая, правядзе перамовы аб стварэнні кааліцыі ў гарадскім савеце Архівавана 12 сакавіка 2014.
  10. Дэпутаты ад «Рускага Адзінства» будуць працаваць у мясцовых саветах большасці гарадоў і раёнаў АР Крым Архівавана 12 сакавіка 2014.
  11. 11,0 11,1 Суд забараніў дзейнасць партыі «Рускае адзінства» ва Украіне, lb.ua, 30 мая 2014.
  12. Вынікі выбараў у Вярхоўную Раду, Інтэрфакс-Украіна, 12 лістапада 2012.
  13. У Крыме зацверджаны новы ўрад, gazeta.ru, 28 лютага 2014.
  14. Рашэнне Кіеўскага апеляцыйнага акруговага адміністрацыйнага суда ад 2014/09/04 № 40.430.979 Архівавана 2 красавіка 2015. (укр.) 

СпасылкіПравіць