Руска-беларускі тлумачальны слоўнік медыцынскіх тэрмінаў
Ру́ска-белару́скі тлумача́льны сло́ўнік медыцы́нскіх тэ́рмінаў — першае выданне такога тыпу ў беларускім мовазнаўстве. Аўтар слоўніка — старшы выкладчык кафедры рускай і беларускай моў Гродзенскага дзяржаўнага медыцынскага ўніверсітэта В. І. Варанец. Выдадзены ў Гродне ў 2011 годзе.
| Руска-беларускі тлумачальны слоўнік медыцынскіх тэрмінаў | |
|---|---|
| Аўтар | В. І. Варанец |
| Мова арыгінала | беларуская |
| Старонак | 232 |
Слоўнік змяшчае больш за тры тысячы медыцынскіх тэрмінаў і тлумачэнняў да іх (каля 2000 уласнабеларускіх). Разлічаны на беларускамоўную частку насельніцтва Беларусі, а таксама на работнікаў аховы здароўя, якім досыць часта прыходзіцца сутыкацца з носьбітамі беларускай мовы. Слоўнік будзе карысным пры выкладанні курса «Беларуская мова. Прафесійная лексіка» на лячэбным, педыятрычным, медыка-псіхалагічным, медыка-дыягнастычным факультэтах медыцынскіх ўніверсітэтаў. Кніга можа зацікавіць і спецыялістаў-мовазнаўцаў, а таксама прыхільнікаў беларускага слова.