Сакаліныя (Falconidae) — сямейства птушак атрада сокалападобных.
Драпежныя дняўныя птушкі, часцей невялікія або сярэдніх памераў, дзюба кручкаватая з «зубам». У большасці – цёмныя «вусы» на галаве. Часта кароткія, вострыя крылы. Хутка лятаюць, калі ловяць здабычу ў паветры, забіваюць яе, утрымліваючы кіпцюрамі. Гняздзяцца на дрэвах, займаюць гнёзды воранавых, на скалах і скальных абрывах, некаторыя ў населеных пунктах. Самка большая за самца. Адрозніваецца 61 від.
- Птушкі Еўропы: Палявы вызначальнік / пад рэд. М. Нікіфарава. — Варшава: Навуковае выдавецтва ПНВ, 2000.
