Самшытавы грэбень з Бярэсця
Самшытавы грэбень — грэбень канца ХІІІ ст. з Брэста.
Знойдзены ў 1971 годзе брэсцкім школьнікам Віцем Пятручыкам падчас раскопак сярэднявечнага Бярэсця[1].
Зроблены з самшыту, на грэбені выразаны 13 літар кірылічнага алфавіта, на адным боку літары А, Б, В, Г, Д, Е, на другім — Ж, Ѕ, З, И, І, К, Л[2]. Захоўваецца ў археалагічным музеі «Бярэсце». Станам на 2022 год грэбень лічаць найстаражытнейшым букваром, выяўленым на тэрыторыі Беларусі[1].
