Санча VI Мудры

Санча VI Мудры (ісп.: Sancho el Sabio; пам. 27 чэрвеня 1194, Памплона) — кароль Навары з 1150 года, сын караля Гарсіі IV і Маргарыты д’Аілье.

Санча VI Мудры
ісп.: Sancho el Sabio
кароль Навары 1150 — 1194
Папярэднік	Гарсія IV
Пераемнік	Санча VII
Нараджэнне	21 красавіка 1132(1132-04-21) невядома
Смерць	27 чэрвеня 1194 (62 гады) Navarreria[d], Памплона, камарка Куэнка-дэ-Памплона[d], мерынідад Памплона[d], Навара, Іспанія
Месца пахавання	Памплонскі кафедральны сабор[d]
Род	Хіменесы
Бацька	Гарсія IV
Маці	Маргарыта д’Аілье[d]
Жонка	Санча Кастыльская[d]
Дзеці	Санча VII[d], Бланка Наварская[d] і Берэнгарыя Наварская[d]
Медыяфайлы на Вікісховішчы

Біяграфія

У першыя гады свайго кіравання Санча падпісаў з Кастыліяй і Арагонам Тудэльскае і Карыёнскае пагадненні, саступіўшы ім частку сваіх тэрыторый. Аднак пазней ён прыклаў усе высілкі, каб аднавіць Наварскае каралеўства ў ранейшых межах, і дамогся свайго.

Санча варагаваў з графам Барселоны Рамонам Берэнгерам IV, але з яго сынам Альфонсам II падпісаў мірны дагавор, і ў 1190 годзе ў Борсе нават заключыў саюз супраць Кастыліі.

Санча заснаваў шэраг манастыроў і вывеў Навару на палітычную сцэну Еўропы. Ён быў першым, хто называў сябе «каралём Навары», выключыўшы з тытула Памплону.

Санча VI памёр 27 чэрвеня 1194 года ў Памплоне, дзе і пахаваны.

Літаратура

• Альтамира-и-Кревеа Рафаэль. История Средневековой Испании / Перевод с испанского Е. А. Вадковской и О. М. Гармсен. — СПб.: «Евразия», 2003. — 608 с. — 1 500 экз. — ISBN 5-8071-0128-6.

Спасылкі

• На Вікісховішчы ёсць медыяфайлы па тэме Санча VI Мудры