Свабодны прафсаюз Беларускі

Свабодны прафсаюз Беларускі (скар.: СПБ) — беларускі прафесійны саюз, член Беларускага кангрэса дэмакратычных прафсаюзаў. Асноўныя галіны, у якіх дзейнічаюць прафсаюзы СПБ — металаапрацоўка, хімічная, нафтахімічная (Бабруйск, Наваполацк, Полацк, Светлагорск) прамысловасць і энергетыка[1]

Свабодны прафсаюз Беларускі
СПБ
Адміністрацыйны цэнтр Flag of Minsk, Belarus.svg Мінск
Тып арганізацыі прафесійны саюз
Кіраўнікі
Старшыня Мікалай Шарах
Заснаванне
Дата заснавання 1991
profspb.by
Запіс у працоўнай кніжцы Марыі Аліевай пра абранне старшынёй СПБ

ГісторыяПравіць

Свабодны прафсаюз Беларусі быў створаны на аснове стачачных камітэтаў, якія ўзначалілі страйкавы рух рабочых у красавіку — маі 1991 года. 16-17 лістапада 1991 года прайшоў устаноўчы з’езд СПБ, а ў ліпені 1992 года прафсаюз быў афіцыйна зарэгістраваны. 21 жніўня 1995 года дзейнасць Свабоднага прафсаюза Беларусі была прыпынена за арганізацыю страйку ў Мінскім метрапалітэне[2].

6 лютага 1996 года Свабодны прафсаюз Беларусі прайшоў перарэгістрацыю ў Міністэрстве юстыцыі Рэспублікі Беларусь і быў перайменаваны ў Свабодны прафсаюз Беларускі[3]. 30 ліпеня 1999 года Свабодны прафсаюз Беларускі прайшоў перарэгістрацыю ў Міністэрстве юстыцыі Рэспублікі Беларусь[1].

КіраўнікіПравіць

  • Генадзь Аляксандравіч Быкаў (1991—1995)
  • Марыя Рыгораўна Аліева (29 сакавіка 1997 — 26 красавіка 1999)
  • Генадзь Аляксандравіч Быкаў (з 1999)
  • Мікалай Шарах (у цяперашні час)

Зноскі

  1. 1,0 1,1 Незалежныя дэмакратычныя прафсаюзы Беларусі — лакаматыў сацыяльных пераўтварэнняў? // С. 13—14.
  2. Указ Президента Республики Беларусь от 21 августа 1995 года № 336 «О некоторых мерах по обеспечению стабильности и правопорядка в Республике Беларусь»
  3. Свидетельство о регистрации от 06.02.1996 г. № 034

СпасылкіПравіць